رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 20° جزوی بادل 21° / 8°فجر 05:37ظہر 12:17عصر 15:57مغرب 17:34عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
آبنائے ہرمز میں اماراتی کمپنی کے جہاز پر حملہ، ایک اہلکار لاپتا، 11 زخمیسندھ میں خون بہا تو ذمہ دار بلاول بھٹو ہوں گے: مصطفیٰ کمالدشمن کی کارروائی پر جواب زیادہ سخت ہوگا، جغرافیائی حدود کا پابند نہیں: ایرانی فوجنجکاری کمیشن اور پبلک پرائیویٹ پارٹنرشپ اتھارٹی کے انضمام کی تیاریبحرین اور کویت پر ایرانی حملے خطرناک کشیدگی کا باعث: قطری وزارت خارجہبلاول بھٹو: گزشتہ روز کچھ زیادہ سچ بول دیا، تنقید کرنے والوں کو جوابامریکی سینٹرل کمانڈ کے سربراہ تل ابیب پہنچ گئے، اسرائیلی فوجی قیادت سے ملاقاتبیرسٹر گوہر کا چیف جسٹس سے مطالبہ: انصاف ہوتا ہوا نظر آئے، دنیا عدالتوں کو دیکھ رہی ہےلٹن داس ٹیسٹ کی ایک اننگز میں 8 شکار کرنے والے پہلے وکٹ کیپر بن گئےموبائل ایپ سے قرضوں پر شرحِ منافع میں 67 فیصد کمیبابراعظم کو صرف ایک لمبی اننگز کی ضرورت ہے: یونس خانشفقت امانت علی کا خون کے سرطان میں مبتلا ہونے کا انکشاف

ایمن خان اور منیب بٹ کو برطانوی پارلیمنٹ میں خصوصی اعزازات

ایمن خان اور منیب بٹ کو برطانوی پارلیمنٹ میں خصوصی اعزازات
فائل فوٹو: اداکار جوڑی ایمن خان اور منیب بٹ — تصویر: بشکریہ geo.tv

اسلام آباد: پاکستانی اداکار جوڑی ایمن خان اور منیب بٹ کو پاکستانی ڈراموں، فنون اور ثقافت کے فروغ میں خدمات انجام دینے پر برطانوی پارلیمنٹ میں خصوصی اعزازات دیے گئے ہیں۔

یہ پذیرائی لندن کے تاریخی ہاؤسز آف پارلیمنٹ میں منعقدہ تقریب کے دوران کی گئی۔ تقریب ویسٹ منسٹر میں برطانوی پاکستانی رکن پارلیمنٹ ناز شاہ کی خصوصی دعوت پر آرٹس پروموٹر عطا حق نے منعقد کی۔ اس میں برطانوی پارلیمنٹ کے ارکان کے علاوہ پاکستانی کمیونٹی کی اہم شخصیات نے بھی شرکت کی۔

دونوں فنکاروں کو پاکستان کی تفریحی صنعت میں نمایاں کردار ادا کرنے اور بیرون ملک ملک کا مثبت تشخص اجاگر کرنے پر سراہا گیا۔

ناز شاہ کا خطاب

ناز شاہ نے خطاب میں کہا کہ دونوں فنکاروں نے فنون لطیفہ، فلم اور ثقافت کے فروغ کے لیے قابل قدر کام کیا ہے۔ بریڈفورڈ ویسٹ کی نمائندگی کرنے والی رکن پارلیمنٹ نے دونوں اداکاروں کو تعریفی اسناد بھی پیش کیں۔

ان کا کہنا تھا کہ ثقافتی سرگرمیاں برطانیہ میں آباد پاکستانی اور کشمیری نژاد افراد کے درمیان روابط مضبوط بنانے میں اہم کردار ادا کرتی ہیں۔

فنکاروں کے تاثرات

منیب بٹ نے برطانوی پارلیمنٹ میں ملنے والی پذیرائی کو اپنی زندگی کا یادگار اور متاثر کن تجربہ قرار دیا۔ ان کا کہنا تھا کہ اس دورے نے انہیں سیاست میں آنے کے امکان پر بھی غور کرنے پر مجبور کر دیا ہے۔ انہوں نے برطانیہ میں ملنے والی محبت اور عزت پر شکریہ ادا کیا اور کہا کہ پاکستانی ڈرامے اور فلمیں اب عالمی سطح پر اپنی الگ پہچان بنا چکی ہیں۔ بیرون ملک مقیم پاکستانی بھی اپنے ملک کے تفریحی مواد کو پسند کرتے ہیں، جس کے نتیجے میں پاکستانی ثقافت دنیا کے مختلف حصوں تک پہنچ رہی ہے۔

ایمن خان نے بھی اس اعزاز پر خوشی کا اظہار کیا اور خود کو خوش نصیب قرار دیا۔ ان کے مطابق پاکستان اور برطانیہ دونوں ملکوں میں موجود مداح انہیں بہت محبت دیتے ہیں اور انہیں یقین ہے کہ پاکستان میں ان کے چاہنے والے بھی اس کامیابی پر خوش ہوں گے۔

گفتگو کے دوران ایمن خان نے پاکستان، خصوصاً کراچی اور لاہور سے اپنی محبت اور وابستگی کا ذکر کیا۔ ان کا کہنا تھا کہ پاکستان ایک محفوظ ملک ہے اور کراچی کے حالات بھی پرامن ہیں۔ کراچی میں ان کا تجربہ ہمیشہ اچھا رہا ہے اور وہ وہاں خود کو اتنا ہی محفوظ اور آزاد محسوس کرتی ہیں جتنا لندن، لاہور یا اسلام آباد میں۔

اداکارہ نے مزید کہا کہ پاکستان کے بارے میں منفی تاثر درست نہیں، ملک کے ادارے اور حکومت بہتر انداز میں کام کر رہے ہیں۔ ان کے خیال میں خواتین کو مزید بااختیار بنانے سے ملک میں حالات مزید بہتر ہو سکتے ہیں۔

تقریب کے منتظم عطا حق نے کہا کہ اس پروگرام کا بنیادی مقصد ان پاکستانی فنکاروں کی محنت اور کامیابیوں کو خراج تحسین پیش کرنا تھا جنہوں نے بین الاقوامی سطح پر پاکستان کی شوبز انڈسٹری کو نئی شناخت دلائی ہے۔

اشتہار