رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 21° صاف 21° / 8°فجر 05:37ظہر 12:17عصر 15:57مغرب 17:34عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
آبنائے ہرمز میں اماراتی کمپنی کے جہاز پر حملہ، ایک اہلکار لاپتا، 11 زخمیسندھ میں خون بہا تو ذمہ دار بلاول بھٹو ہوں گے: مصطفیٰ کمالدشمن کی کارروائی پر جواب زیادہ سخت ہوگا، جغرافیائی حدود کا پابند نہیں: ایرانی فوجنجکاری کمیشن اور پبلک پرائیویٹ پارٹنرشپ اتھارٹی کے انضمام کی تیاریبحرین اور کویت پر ایرانی حملے خطرناک کشیدگی کا باعث: قطری وزارت خارجہبلاول بھٹو: گزشتہ روز کچھ زیادہ سچ بول دیا، تنقید کرنے والوں کو جوابامریکی سینٹرل کمانڈ کے سربراہ تل ابیب پہنچ گئے، اسرائیلی فوجی قیادت سے ملاقاتبیرسٹر گوہر کا چیف جسٹس سے مطالبہ: انصاف ہوتا ہوا نظر آئے، دنیا عدالتوں کو دیکھ رہی ہےلٹن داس ٹیسٹ کی ایک اننگز میں 8 شکار کرنے والے پہلے وکٹ کیپر بن گئےموبائل ایپ سے قرضوں پر شرحِ منافع میں 67 فیصد کمیبابراعظم کو صرف ایک لمبی اننگز کی ضرورت ہے: یونس خانشفقت امانت علی کا خون کے سرطان میں مبتلا ہونے کا انکشاف

سندھ میں خون بہا تو ذمہ دار بلاول بھٹو ہوں گے: مصطفیٰ کمال

سندھ میں خون بہا تو ذمہ دار بلاول بھٹو ہوں گے: مصطفیٰ کمال
فائل فوٹو: ایم کیو ایم پاکستان رہنما مصطفیٰ کمال — تصویر: بشکریہ nation.com.pk

کراچی: وفاقی وزیر صحت اور ایم کیو ایم پاکستان کے سینئر رہنما سید مصطفیٰ کمال نے چیئرمین پیپلز پارٹی بلاول بھٹو زرداری کے بیان پر شدید ردعمل دیتے ہوئے کہا ہے کہ صوبوں کی تشکیل کے معاملے پر سندھ میں خون کا ایک قطرہ بھی گرا تو اس کے ذمہ دار بلاول بھٹو ہوں گے۔

پریس کانفرنس سے خطاب کرتے ہوئے انہوں نے کہا کہ بلاول بھٹو نے جن شہروں میں خون خرابے کی بات کی ہے، وہاں اردو بولنے والے آباد ہیں۔ ہمیں مرنے سے نہ ڈرایا جائے، ہمارے پاس کھونے کے لیے کچھ نہیں۔

ان کا کہنا تھا کہ بلاول بھٹو ایک بڑی سیاسی جماعت کے سربراہ ہیں، انہیں سندھ میں خون بہنے سے متعلق اس طرح کی بات نہیں کرنی چاہیے تھی۔

انہوں نے کہا کہ ریاست کو فیصلہ کرنا ہوگا کہ پاکستان کو بچانا ہے یا کسی سیاسی جماعت کی خواہشات کو تحفظ دینا ہے۔ صوبوں کی تشکیل کے معاملے پر عوامی ریفرنڈم بہترین راستہ ہے اور عوام کی رائے کو بالادستی حاصل ہونی چاہیے۔

ان کے مطابق وزیراعظم کے پاس ریفرنڈم کرانے کا اختیار موجود ہے اور انہیں امید ہے کہ تحریک انصاف بھی اس معاملے پر ریاست کے ساتھ کھڑی ہوگی۔ مصطفیٰ کمال نے دعویٰ کیا کہ طارق فضل چوہدری، خواجہ آصف، اسحاق ڈار اور عطا تارڑ بھی ریفرنڈم کے معاملے پر کھل کر بات کر چکے ہیں۔

این ایف سی ایوارڈ اور مردم شماری

وفاقی وزیر نے کہا کہ این ایف سی ایوارڈ کے تحت صوبوں کو 8 ہزار 884 ارب روپے دیے گئے، جبکہ ان کے بقول سندھ کو 17 برس کے دوران 22 ہزار ارب روپے ملے، اس کے باوجود کراچی آج بھی رہنے کے قابل نہیں۔ انہوں نے الزام لگایا کہ وفاق سے ملنے والے اختیارات اور فنڈز نچلی سطح تک منتقل نہیں کیے گئے اور صوبائی حکومت نے انہیں اپنے پاس رکھا ہوا ہے۔

مصطفیٰ کمال کے مطابق 2017 کی مردم شماری میں سندھ کی آبادی ایک کروڑ 40 لاکھ ظاہر کی گئی، جبکہ ڈیجیٹل مردم شماری میں آبادی 10 لاکھ کم کر دی گئی تھی۔ ان کے مطابق حکومتی مداخلت کے بعد درست مردم شماری ہوئی اور سندھ کی آبادی 2 کروڑ 3 لاکھ سامنے آئی، تاہم وزیراعلیٰ سندھ نے کراچی کی مردم شماری وقت سے پہلے بند کر دی تھی۔

کوٹا سسٹم اور ماضی کے واقعات

انہوں نے کہا کہ کراچی، حیدرآباد، میرپورخاص، نواب شاہ اور سکھر میں اردو بولنے والے مہاجر اکثریت میں ہیں اور پورے ملک میں نہیں بلکہ صرف سندھ میں کوٹا سسٹم نافذ ہے۔ ان کا الزام تھا کہ پیپلز پارٹی گزشتہ 18 برس سے سندھ میں حکومت کر رہی ہے، لیکن صوبے کے مسائل حل نہیں کیے گئے۔

مصطفیٰ کمال نے بینظیر بھٹو کی راولپنڈی میں شہادت کے بعد کے واقعات کا حوالہ دیتے ہوئے کہا کہ کراچی میں فیکٹریاں جلائی گئیں، لانڈھی انڈسٹریل زون متاثر ہوا، 11 ہزار سے زائد گاڑیاں نذرِ آتش کی گئیں، بینک لوٹے گئے اور لاڑکانہ سے کراچی تک مہاجروں کی دکانیں جلائی گئیں۔ انہوں نے یہ بھی کہا کہ 79 برس سے مہاجروں کی نسل کشی ہو رہی ہے۔

وفاقی وزیر نے مزید کہا کہ مرنے سے وہ ڈرے جس نے 22 ہزار ارب روپے کا ڈاکا ڈالا ہو یا جس کے تہہ خانوں میں ڈالرز کی گڈیاں ہوں۔ ان کے بقول پیپلز پارٹی جب سندھ کارڈ استعمال کرنا چاہتی ہے تو جئے سندھ کے ذریعے ایسا کرواتی ہے۔

مصطفیٰ کمال نے سندھ میں مزید صوبے بنانے کا مطالبہ دہراتے ہوئے کہا کہ پیپلز پارٹی کو اپنی کارکردگی کی بنیاد پر سیاست کرنی چاہیے۔ اگر اس نے بہتر کارکردگی دکھائی تو سندھ میں 10 صوبے بھی بن جائیں تو اسے پریشان نہیں ہونا چاہیے۔

اشتہار