ایلون مسک کی جینسن ہوانگ کو اپنی کمپنی میں ملازمت دینے کی خواہش

نیویارک: ٹیسلا اور اسپیس ایکس کے سربراہ ایلون مسک نے ٹیکنالوجی کمپنی اینویڈیا سے جینسن ہوانگ کی برطرفی کے بعد انہیں اپنی کمپنی میں ملازمت دینے کے امکان پر کہا ہے کہ یہ میرے لیے اعزاز کی بات ہو گی۔
غیر ملکی میڈیا رپورٹس کے مطابق چین کے لیے جاسوسی کے الزامات کا سامنا کرنے والی خاتون سمیت مزید 2 خواتین کے ساتھ مبینہ تعلق اور اہلیہ سے بے وفائی کے انکشافات کے بعد اینویڈیا کمپنی کے بورڈ نے جینسن ہوانگ کو عہدے سے فارغ کر دیا تھا۔
میڈیا رپورٹس کے مطابق ایلون مسک نے اپنے ایک ٹوئٹ میں جینسن ہوانگ کو دوبارہ اینویڈیا کا چیف ایگزیکٹیو بنانے کی مہم کی حمایت کی ہے۔ ان کا کہنا تھا کہ میں جینسن ہوانگ کی اینویڈیا میں واپسی کے مطالبے پر دستخط کرنے کے لیے تیار ہوں، جبکہ جینسن ہوانگ کو اپنی کمپنی میں ملازمت دینا بھی میرے لیے اعزاز ہو گا۔
ایلون مسک اور ملازمین کی جانب سے جینسن ہوانگ کی واپسی کی حمایت کے باوجود کمپنی کے بورڈ نے تاحال اپنا فیصلہ تبدیل کرنے کا کوئی عندیہ نہیں دیا ہے۔ کمپنی سے علیحدگی کے بعد اینویڈیا کے ملازمین کی جانب سے بھی ان کی واپسی کا مطالبہ کیا جا رہا ہے۔
ادھر اینویڈیا نے بانی کے خلاف ممکنہ غیر ملکی انٹیلی جنس سرگرمیوں سے متعلق رپورٹس کی آزادانہ تحقیقات کا اعلان کیا ہے۔ تاہم کمپنی کا کہنا ہے کہ اس کے پاس ایسی کوئی وجہ نہیں کہ وہ سمجھے کہ اس کے تجارتی راز یا قومی سلامتی سے متعلق معلومات متاثر ہوئی ہیں۔











