رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 21° صاف 21° / 8°فجر 05:37ظہر 12:17عصر 15:57مغرب 17:34عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
آبنائے ہرمز میں اماراتی کمپنی کے جہاز پر حملہ، ایک اہلکار لاپتا، 11 زخمیسندھ میں خون بہا تو ذمہ دار بلاول بھٹو ہوں گے: مصطفیٰ کمالدشمن کی کارروائی پر جواب زیادہ سخت ہوگا، جغرافیائی حدود کا پابند نہیں: ایرانی فوجنجکاری کمیشن اور پبلک پرائیویٹ پارٹنرشپ اتھارٹی کے انضمام کی تیاریبحرین اور کویت پر ایرانی حملے خطرناک کشیدگی کا باعث: قطری وزارت خارجہبلاول بھٹو: گزشتہ روز کچھ زیادہ سچ بول دیا، تنقید کرنے والوں کو جوابامریکی سینٹرل کمانڈ کے سربراہ تل ابیب پہنچ گئے، اسرائیلی فوجی قیادت سے ملاقاتبیرسٹر گوہر کا چیف جسٹس سے مطالبہ: انصاف ہوتا ہوا نظر آئے، دنیا عدالتوں کو دیکھ رہی ہےلٹن داس ٹیسٹ کی ایک اننگز میں 8 شکار کرنے والے پہلے وکٹ کیپر بن گئےموبائل ایپ سے قرضوں پر شرحِ منافع میں 67 فیصد کمیبابراعظم کو صرف ایک لمبی اننگز کی ضرورت ہے: یونس خانشفقت امانت علی کا خون کے سرطان میں مبتلا ہونے کا انکشاف

190 ملین پاؤنڈ کیس: عمران خان اور بشریٰ بی بی کی اپیلوں پر سماعت 7 روز کے لیے ملتوی

190 ملین پاؤنڈ کیس: عمران خان اور بشریٰ بی بی کی اپیلوں پر سماعت 7 روز کے لیے ملتوی
فائل فوٹو: عمران خان — تصویر: بشکریہ washingtonpost.com

اسلام آباد: اسلام آباد ہائیکورٹ نے 190 ملین پاؤنڈ کیس میں بانی پی ٹی آئی عمران خان اور ان کی اہلیہ بشریٰ بی بی کی سزاؤں کے خلاف دائر اپیلوں پر سماعت 7 روز کے لیے ملتوی کر دی۔

عدالتی کارروائی

دورانِ سماعت چیف جسٹس سردار سرفراز ڈوگر نے ریمارکس دیے کہ عمران خان سابق وزیراعظم ہیں اور ہمارے لیے انتہائی قابلِ احترام ہیں، تاہم ان کے اپنے مسائل ہیں اور ان کا خط پوری پبلک میں چلا گیا ہے۔

چیف جسٹس سردار سرفراز ڈوگر اور جسٹس محمد آصف پر مشتمل دو رکنی ڈویژن بنچ نے اپیلوں کی سماعت کی۔ ملزمان کی جانب سے بیرسٹر سلمان صفدر اور سردار لطیف کھوسہ عدالت میں پیش ہوئے، جبکہ نیب کے سپیشل پراسیکیوٹرز جاوید ارشد اور رافع مقصود اور ایڈووکیٹ جنرل اسلام آباد نوید حیات ملک بھی روسٹرم پر موجود تھے۔

عدالتی کارروائی کے دوران بیرسٹر سلمان صفدر نے 190 ملین پاؤنڈ کیس میں سزا کے خلاف دائر اپیل پر دلائل کا آغاز کیا۔ اس موقع پر عمران خان اور بشریٰ بی بی کی جانب سے القادر ٹرسٹ کیس میں سزاؤں کے خلاف اپیلوں کی لائیو اسٹریمنگ کی استدعا بھی کی گئی، تاہم چیف جسٹس سرفراز ڈوگر نے اس درخواست پر کوئی تبصرہ نہیں کیا۔

دلائل کے آغاز کے بعد بیرسٹر سلمان صفدر نے اپیلوں کی مزید تفصیلی تیاری کے لیے وقت دینے کی استدعا کی، جسے ڈویژن بنچ نے منظور کرتے ہوئے انہیں تیاری کے لیے ایک ہفتے کا وقت دے دیا۔

بشریٰ بی بی کی صحت اور سیکیورٹی

عدالت نے بشریٰ بی بی کی جانب سے جیل میں پیش آنے والی طبی مشکلات اور سیکیورٹی خدشات کی شکایات کا سخت نوٹس لیتے ہوئے متعلقہ جیل حکام کو ضروری احکامات جاری کر دیے۔

بشریٰ بی بی کے وکیل لطیف کھوسہ نے ایک نئی متفرق درخواست میں عدالت کو بتایا کہ بشریٰ بی بی کو بینائی کا شدید مسئلہ درپیش ہے اور ان کی سرجری کے حوالے سے عدالت کو پہلے بھی بتایا گیا تھا، کیونکہ موجودہ طبی کیفیت سے ان کی بینائی مزید متاثر ہونے کا خدشہ ہے۔ ان کے وکیل کے مطابق بشریٰ بی بی کے سیل کے روم سے چھوٹے سائز کے سات سانپ برآمد ہوئے، جنہیں جیل کے اہلکاروں نے موقع پر مارنے کے بعد وہاں سیمنٹ لگا دیا۔

عدالت نے بشریٰ بی بی کی صحت اور سیکیورٹی سے متعلق خدشات کا سنجیدہ نوٹس لیتے ہوئے ریمارکس دیے کہ بشریٰ بی بی محفوظ ہاتھوں میں ہیں۔ عدالت کے مطابق ان کی صحت سے متعلق تمام معاملات پر فوری اور مناسب اقدامات کیے جائیں گے اور جیل رولز کے مطابق انہیں تمام ضروری طبی سہولیات فراہم کی جائیں گی۔

عدالت نے ہدایت کی کہ بشریٰ بی بی کے سیل کی صفائی ستھرائی کا مکمل خیال رکھا جائے اور ان کی صحت کا باقاعدہ معائنہ کرنے کے لیے ایک خصوصی ڈاکٹر فراہم کیا جائے تاکہ انہیں کسی مشکل کا سامنا نہ کرنا پڑے۔

اشتہار