دنانیر مبین ماسکو میں بہترین اداکارہ کا ایوارڈ جیت گئیں

ماسکو: پاکستانی اداکارہ دنانیر مبین نے ماسکو میں بہترین اداکارہ کا ایوارڈ اپنے نام کر لیا۔
ماسکو میں انٹرنیشنل یوریشین فلم ایوارڈز (جسے ڈائمنڈ بٹرفلائی فلم ایوارڈ بھی کہا جاتا ہے) کی تقریب کا اہتمام کیا گیا، جہاں دنیا بھر سے فنکاروں نے شرکت کی۔
اس ایوارڈ شو میں دنانیر مبین کو بھی نامزد کیا گیا تھا، جہاں انہوں نے بہترین اداکارہ کا ایوارڈ اپنے نام کیا۔
دنانیر کو یہ اعزاز پاکستانی فلم میرا لیاری میں بہترین اداکاری پر دیا گیا ہے۔ فلم میں کراچی کے علاقے لیاری کی ثقافت، کھیلوں اور خواتین کو بااختیار بنانے کے موضوعات کو اجاگر کیا گیا تھا۔
موضوعات:پاکستانی شوبز
اشتہار











