ایران کی سات شرائط: نہ جنگ نہ امن کی حالت میں نہیں رہیں گے، قالیباف

تہران: ایرانی پارلیمنٹ کے اسپیکر محمد باقر قالیباف نے امریکہ اور اسرائیل کے ساتھ جاری کشیدگی پر دوٹوک موقف اختیار کرتے ہوئے کہا ہے کہ تہران طویل عرصے تک نہ جنگ اور نہ امن کی غیر یقینی کیفیت میں نہیں رہے گا۔
تہران میں پارلیمانی اجلاس سے خطاب کرتے ہوئے انہوں نے کہا کہ کسی بھی پائیدار معاہدے یا کشیدگی میں کمی کے لیے ایران اپنی سات بنیادی شرائط پر پوری طرح قائم ہے۔
انہوں نے ان شرائط کی وضاحت کرتے ہوئے کہا کہ ان میں تمام علاقائی محاذوں پر مکمل جنگ بندی، ایران پر عائد تمام یکطرفہ امریکی اقتصادی پابندیوں کا خاتمہ، ایرانی بندرگاہوں پر امریکی بحری ناکہ بندی ختم کرنا اور بیرونِ ملک ایران کے منجمد اثاثوں کی فوری بحالی شامل ہیں۔
اسپیکر کا مزید کہنا تھا کہ واشنگٹن کی معاشی گھیراؤ کی پالیسیوں کا مقابلہ کرنے کے لیے ایرانی قوم پوری طرح متحد ہے اور کسی بھی دباؤ کے آگے جھکنے کے لیے تیار نہیں۔











