رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 6° صاف 17° / 5°فجر 05:35ظہر 12:17عصر 15:59مغرب 17:35عشا 18:58
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
یمنی حکومتی فورسز کا باب المندب اور ذباب ایئرپورٹ سے انخلا، عدن کے دفاع پر توجہپاکستان کی برآمدات چار ماہ میں 11 ارب 37 کروڑ ڈالر، 8.8 فیصد اضافہہری پور میں فوجی حوالدار کے قتل کا اشتہاری ملزم کیماڑی سے گرفتارآئی سی سی کا 2035 تک مینز ایونٹس کا شیڈول اور میزبان وینیوز کا اعلانمسلم 500 فہرست: شہباز شریف اور فیلڈ مارشل عاصم منیر مشترکہ طور پر سرفہرستایران کا ٹرمپ پر ڈرون حملے کا مبینہ منصوبہ، اسرائیل کی امریکا کو خفیہ رپورٹبلاول کا فضل الرحمان کو فون، جے یو آئی (ف) کے خلاف حکومتی اقدامات کی مذمتایران کا بحرین میں امریکی اڈے اور ریڈار پر ڈرون حملے کا دعویٰصوبوں کے معاملے پر جلد سیاسی اتفاق رائے ہو جائے گا: خواجہ آصفایران کی سات شرائط: نہ جنگ نہ امن کی حالت میں نہیں رہیں گے، قالیبافٹی 20 بلائنڈ ایشیا کپ: پاکستان نے بنگلا دیش کو 126 رنز سے شکست دے دیخیبرپختونخوا میں ایمرجنسی کے دوران گورنر کے اختیارات بڑھانے کا فیصلہ

امیتابھ بچن کے بنگلے جلسہ کی ملکیت پر تنازع، رامولا بچن نے دستاویز کو چیلنج کر دیا

امیتابھ بچن کے بنگلے جلسہ کی ملکیت پر تنازع، رامولا بچن نے دستاویز کو چیلنج کر دیا
فائل فوٹو: اداکار امیتابھ بچن — تصویر: بشکریہ awazthevoice.in

ممبئی: بالی ووڈ کے معروف اداکار امیتابھ بچن کی ممبئی میں واقع مشہور رہائش گاہ جلسہ کی ملکیت ایک خاندانی تنازع کی زد میں آ گئی ہے۔ ان کے چھوٹے بھائی اجیتابھ بچن کی اہلیہ رامولا بچن نے 1993 میں جائیداد جیا بچن کے نام منتقل کرنے کے لیے تیار کی گئی تحفے کی دستاویز کو باضابطہ طور پر چیلنج کر دیا ہے۔

بھارتی میڈیا رپورٹس کے مطابق رامولا بچن نے گزشتہ سات ماہ کے دوران پراپرٹی رجسٹریشن سے متعلق مختلف سرکاری محکموں میں متعدد درخواستیں جمع کرائی ہیں۔ ان کا موقف ہے کہ تقریباً تین دہائیاں قبل بنگلے کی ملکیت منتقل کرتے وقت انہیں نہ تو اعتماد میں لیا گیا اور نہ ہی ان کی رضامندی حاصل کی گئی۔

دستاویزات اور قانونی اعتراضات

دستاویزات کے جائزے سے ظاہر ہوتا ہے کہ 1993 میں ایک گفٹ ڈیڈ کے ذریعے بنگلہ جیا بچن کے نام منتقل کیا گیا تھا تاہم اس معاملے میں ایک اہم تضاد بھی سامنے آیا ہے۔ سرکاری اراضی ریکارڈ، یعنی پراپرٹی کارڈ میں آج بھی رامولا بچن کا نام شریک مالک کے طور پر موجود ہے جبکہ ہاؤسنگ سوسائٹی کے ریکارڈ میں جیا بچن کو اس بنگلے کا مالک ظاہر کیا گیا ہے۔

رامولا بچن نے ملکیت کی منتقلی کے لیے استعمال ہونے والی دستاویز کی قانونی حیثیت پر بھی اعتراضات اٹھائے ہیں۔ ان کی شکایت کے مطابق تحفے کا یہ معاہدہ عام کاغذ پر تحریر کیا گیا تھا، جس پر نہ سرکاری اسٹامپ ڈیوٹی ادا کی گئی اور نہ ہی گواہوں کے دستخط موجود تھے۔ انہوں نے اس دستاویز کی بعد ازاں رجسٹریشن اور مہاراشٹر حکومت کی ابھے یوجنا اسکیم کے تحت اسے قانونی تحفظ فراہم کرنے کے طریقہ کار کو بھی مشکوک قرار دیا ہے۔

معاملہ ممبئی کے علاقے اندھیری میں ڈپٹی رجسٹرار کوآپریٹو سوسائٹیز کے دفتر میں سماعت کے لیے پہنچ چکا ہے۔ ڈپٹی رجسٹرار فیاض ملانی نے شکایت موصول ہونے کی تصدیق کرتے ہوئے بتایا کہ کارروائی شروع کر دی گئی ہے اور تمام متعلقہ فریقین کو نوٹس جاری کر کے ان سے جواب طلب کیا گیا ہے۔

بنگلے کا پس منظر

جوہو کے علاقے میں واقع امیتابھ بچن کا دو منزلہ بنگلہ جلسہ ممبئی کی مشہور عمارتوں میں شمار ہوتا ہے۔ یہ عمارت ابتدا میں منسا کہلاتی تھی اور ایک وقت میں معروف فلم ساز این سی سپی کی ملکیت تھی۔ رپورٹس کے مطابق امیتابھ بچن کو 1982 میں ریلیز ہونے والی فلم ستے پہ ستہ میں اداکاری کے معاوضے کے طور پر یہ بنگلہ ملا تھا۔ بعد ازاں اسے فروخت کر دیا گیا، تاہم جیا بچن کے مشورے پر امیتابھ نے یہ جائیداد دوبارہ خرید لی اور اس کا نام جلسہ رکھ دیا۔

یہ بنگلہ کئی دہائیوں سے امیتابھ بچن کے مداحوں کے لیے بھی خصوصی اہمیت رکھتا ہے۔ ہر اتوار کو اداکار کی ایک جھلک دیکھنے کے لیے بڑی تعداد میں مداح اس کے باہر جمع ہوتے ہیں۔ امیتابھ بچن بھی اکثر گھر سے باہر آ کر ہاتھ ہلا کر اپنے مداحوں کا استقبال کرتے ہیں۔

اب اس معروف رہائش گاہ کی ملکیت سے متعلق اعتراضات نے ایک خاندانی تنازع کی شکل اختیار کر لی ہے۔ متعلقہ حکام نے فریقین کو نوٹس جاری کر کے کارروائی شروع کر دی ہے تاہم جائیداد کی منتقلی سے متعلق حتمی صورتحال کا تعین مزید سماعت اور فیصلے کے بعد ہی ہو سکے گا۔

موضوعات:
اشتہار