رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 21° صاف 21° / 8°فجر 05:37ظہر 12:17عصر 15:57مغرب 17:34عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
آبنائے ہرمز میں اماراتی کمپنی کے جہاز پر حملہ، ایک اہلکار لاپتا، 11 زخمیسندھ میں خون بہا تو ذمہ دار بلاول بھٹو ہوں گے: مصطفیٰ کمالدشمن کی کارروائی پر جواب زیادہ سخت ہوگا، جغرافیائی حدود کا پابند نہیں: ایرانی فوجنجکاری کمیشن اور پبلک پرائیویٹ پارٹنرشپ اتھارٹی کے انضمام کی تیاریبحرین اور کویت پر ایرانی حملے خطرناک کشیدگی کا باعث: قطری وزارت خارجہبلاول بھٹو: گزشتہ روز کچھ زیادہ سچ بول دیا، تنقید کرنے والوں کو جوابامریکی سینٹرل کمانڈ کے سربراہ تل ابیب پہنچ گئے، اسرائیلی فوجی قیادت سے ملاقاتبیرسٹر گوہر کا چیف جسٹس سے مطالبہ: انصاف ہوتا ہوا نظر آئے، دنیا عدالتوں کو دیکھ رہی ہےلٹن داس ٹیسٹ کی ایک اننگز میں 8 شکار کرنے والے پہلے وکٹ کیپر بن گئےموبائل ایپ سے قرضوں پر شرحِ منافع میں 67 فیصد کمیبابراعظم کو صرف ایک لمبی اننگز کی ضرورت ہے: یونس خانشفقت امانت علی کا خون کے سرطان میں مبتلا ہونے کا انکشاف

راولپنڈی ٹیسٹ: پاکستان کو فتح کے لیے 7 وکٹیں درکار، سری لنکا 74 رنز پر 3 وکٹیں

راولپنڈی ٹیسٹ: پاکستان کو فتح کے لیے 7 وکٹیں درکار، سری لنکا 74 رنز پر 3 وکٹیں
فائل فوٹو: راولپنڈی کرکٹ اسٹیڈیم — تصویر: بشکریہ skysports.com

راولپنڈی: راولپنڈی میں جاری دوسرے ٹیسٹ میچ کا دوسرا روز انتہائی سنسنی خیز اور فیصلہ کن مرحلے میں داخل ہو گیا ہے۔ سری لنکا نے 22 اوورز کے مختصر کھیل میں اپنی دوسری اننگز میں 3 وکٹوں کے نقصان پر 74 رنز بنا لیے ہیں اور اسے اننگز کی شکست سے بچنے کے لیے مزید 153 رنز کی ضرورت ہے۔ پاکستان کو تاریخی فتح حاصل کرنے کے لیے اب صرف 7 وکٹیں درکار ہیں۔

پاکستانی اننگز

بدھ کو راولپنڈی ٹیسٹ کے دوسرے دن پاکستانی ٹیم نے 3 وکٹوں کے نقصان پر 121 رنز سے اننگز کا آغاز کیا۔ دوسرے دن کے کھیل کے آغاز میں پاکستان کی چوتھی وکٹ کسی رن کے اضافے کے بغیر گر گئی، اعظم اویس 47 رنز پر پویلین لوٹ گئے۔ سری لنکا کے خلاف پاکستان کی پانچویں وکٹ 178 رنز اور چھٹی وکٹ 193 رنز پر گری۔ سعود شکیل 24 رنز اور ثاقب خان 37 رنز بنا کر آؤٹ ہوئے۔

اذان اویس نے 47 اور رضا اللہ نے 42 رنز بنائے اور پاکستان ٹیم نے پہلی اننگز میں 325 رنز بنائے، اس طرح پاکستان کو پہلی اننگز میں 227 رنز کی برتری حاصل ہو گئی۔

پاکستان کی جانب سے غازی غوری 54 رنز، اذان اویس 47 رنز، محمد طیب عارف 46 رنز، رضا اللہ 42 رنز، ثاقب خان 37 رنز، سعود شکیل 24 رنز، سلمان علی آغا 21 رنز، عامر جمال 12 رنز، بابر اعظم 8 رنز، محمد طحہ 8 رنز اور محمد عباس 2 رنز ناٹ آؤٹ کے ساتھ نمایاں رہے۔ سری لنکا کی طرف سے لاہیرو کمارا نے 95 رنز کے عوض 5 شاندار وکٹیں حاصل کیں، اسیتھا فرنینڈو نے 3 جبکہ ملن رتنائیکے اور پربتھ جے سوریا نے ایک ایک وکٹ حاصل کی۔

سری لنکن اننگز

یاد رہے کہ میچ کے آغاز میں سری لنکن ٹیم اپنی پہلی اننگز میں صرف 98 رنز پر ڈھیر ہو گئی تھی۔ دوسرے دن کے کھیل کے اختتام پر سری لنکن بیٹر دھاناجیا ڈی سلوا 24 رنز اور پسندو سوریا بندارا 18 رنز کے ساتھ کریز پر موجود ہیں۔

سری لنکن بیٹنگ لائن کے نمایاں آؤٹ ہونے والے کھلاڑیوں میں کمنڈو مینڈس 16 رنز، لاہیرو اودارا 7 رنز اور ڈینش چندی مل بغیر کوئی رن بنائے پویلین لوٹ گئے۔ پاکستان کی جانب سے ثاقب خان، رضا اللہ اور عامر جمال نے ایک ایک کھلاڑی کو آؤٹ کیا۔

اشتہار