رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 10° صاف 20° / 9°فجر 05:40ظہر 12:18عصر 15:56مغرب 17:33عشا 18:56
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
پشاور کے عمران خان کرکٹ اسٹیڈیم کا پرانا نام ارباب نیاز اسٹیڈیم بحال کرنے کا فیصلہبنوں: امن جرگے پر خوارج کا کواڈ کاپٹر حملہ، 14 شہری زخمیمحسن نقوی کا بغیر نام لیے ایک وزیر کو انتباہ، کاروباری افراد کا دفاعبلاول بھٹو: ایران امریکا مذاکرات ناکام ہوئے تو کشیدگی پھیل سکتی ہے، پاکستان پُرامیدنئے صوبوں کے قیام پر مشاورت جلد نتیجہ خیز ہوگی: خواجہ آصفویمنز ایمرجنگ نیشنز ٹرافی: پاکستان ویمن ٹیم کی اسکاٹ لینڈ کو 9 وکٹوں سے شکستکراچی: تاجک پاپ اینسمبل کی پی اے سی سی میں شاندار پرفارمنسحسین نقی کے انتقال پر عظمیٰ بخاری کا گہرے دکھ کا اظہارایران اور امریکا کے مذاکرات تعطل کا شکار، یورینیم بنیادی تنازع بن گیادالبندین: دہشت گردوں کی مسافر بس پر فائرنگ، ڈرائیور سمیت 4 مسافر زخمینیتن یاہو کا ٹرمپ پر ایران کے خلاف نئے حملوں کے لیے دباؤوزیراعظم شہباز شریف 30 نومبر سے روس کا سرکاری دورہ کریں گے

کراچی: تاجک پاپ اینسمبل کی پی اے سی سی میں شاندار پرفارمنس

کراچی: تاجک پاپ اینسمبل کی پی اے سی سی میں شاندار پرفارمنس

کراچی: پاکستان امریکن کلچرل سینٹر (پی اے سی سی) میں موسیقی اور ثقافتی سفارت کاری کی ایک یادگار شام کا اہتمام کیا گیا، جس میں تاجکستان کے اسٹیٹ سمفنی آرکسٹرا کے پاپ اینسمبل نے لائیو پرفارمنس پیش کر کے کراچی کے شائقین کو مسحور کر دیا۔

تقریب کا اہتمام پی اے سی سی کے صدر سید مخدوم علی ریاض اور گورننگ باڈی کے ارکان کی قیادت میں کیا گیا، جنہوں نے تاجکستان سے آئے ہوئے فنکاروں اور معزز مہمانوں کا پرتپاک استقبال کیا۔

پاکستان میں تاجکستان کے سفیر عزت مآب شریف زادہ یوسف طویر اور تاجکستان کے قونصل جنرل ارشاد قاسم نے بطور مہمان خصوصی شرکت کی۔ اس موقع پر سید مخدوم علی ریاض نے دونوں معزز مہمانوں کو یادگاری شیلڈز پیش کیں۔

تاجک فنکاروں نے روایتی اور جدید موسیقی کا دلکش امتزاج پیش کیا، جس میں تاجکستان کے بھرپور ثقافتی اور موسیقی کے ورثے کی جھلک نمایاں تھی۔ فنکاروں کی پراثر آوازوں، آرکسٹرا کی ہم آہنگی اور پرجوش اسٹیج پرفارمنس نے حاضرین کو محظوظ کیا، جبکہ ہر پرفارمنس کو بھرپور تالیوں سے سراہا گیا۔

یہ تقریب محض موسیقی کی محفل نہیں بلکہ پاکستان اور تاجکستان کے درمیان دوستی، مشترکہ ثقافتی اقدار، موسیقی سے محبت اور باہمی احترام کے اظہار کا ذریعہ بھی بنی۔ اس موقع پر پی اے سی سی کے بین الاقوامی ثقافتی تبادلوں کے فروغ میں کردار کو بھی اجاگر کیا گیا۔

پرفارمنس کے بعد مہمانوں کے اعزاز میں عشائیے کا اہتمام کیا گیا۔ سید مخدوم علی ریاض نے کہا کہ سینٹر کو ایسی بین الاقوامی ثقافتی تقریبات کی میزبانی پر فخر ہے۔ انہوں نے کہا کہ موسیقی کی کوئی سرحد نہیں ہوتی، اور پی اے سی سی آئندہ بھی کراچی میں عالمی معیار کی پرفارمنس پیش کرنے کا سلسلہ جاری رکھے گا۔

پی اے سی سی نے سفیر شریف زادہ یوسف طویر، قونصل جنرل ارشاد قاسم، دیگر مہمانوں اور شائقین کا شکریہ ادا کیا اور کہا کہ ان کی شرکت نے تقریب کو کامیاب بنایا۔ سینٹر نے فن، ثقافت اور بین الاقوامی دوستی کے فروغ کے لیے مستقبل میں بھی ایسی تقریبات منعقد کرنے کے عزم کا اظہار کیا۔

موضوعات:
اشتہار