فیض احمد فیض کی برسی: انقلابی شاعر کو بچھڑے 42 برس بیت گئے

ٹھٹھہ صادق آباد: انقلابی شاعر فیض احمد فیض کو اپنے مداحوں سے بچھڑے 42 برس بیت گئے۔
اپنے الفاظ کو محبت کے موتیوں میں پرو دینے والے شاعر فیض احمد فیض 13 فروری 1911ء کو سیالکوٹ میں پیدا ہوئے۔ وہ علامہ اقبال اور مرزا غالب کے بعد اردو ادب کے عظیم شاعر تھے۔
فیض احمد فیض کی شاعری میں نقش فریادی، دست صبا، نسخہ ہائے وفا، زنداں نامہ، دست تہہ سنگ، سر وادی سینا، میرے دل میرے مسافر اور دیگر قابل ذکر ہیں۔ ان مجموعہ جات کے انگلش، فارسی، روسی، جرمن اور دیگر زبانوں میں تراجم شائع ہو چکے ہیں۔
فیض احمد فیض ایشیاء کے وہ پہلے شاعر تھے جنہیں روس کی جانب سے لینن امن ایوارڈ سے نوازا گیا۔ ان کی وفات سے قبل انہیں نوبل انعام کے لیے بھی منتخب کیا گیا تھا۔ علاوہ ازیں انہیں بیش بہا ملکی و غیر ملکی ایوارڈز سے بھی نوازا جا چکا ہے۔
فیض احمد فیض 20 نومبر 1984ء کو 73 برس کی عمر میں انتقال کر گئے۔
اعتماد ڈیسک











