شازیہ منظور تشدد کیس: نامزد ملزمان کی عبوری ضمانت منظور، سماعت ایک ہفتے کے لیے ملتوی

لاہور: معروف گلوکارہ شازیہ منظور پر مبینہ تشدد کے مقدمے میں لاہور کی سیشن کورٹ نے نامزد ملزمان کی عبوری ضمانت کی درخواستیں منظور کر لی ہیں۔ عدالت نے آئندہ سماعت ایک ہفتے تک ملتوی کرتے ہوئے ملزمان کو عبوری ریلیف فراہم کر دیا۔
ڈیوٹی جج ایڈیشنل سیشن جج سیف اللہ ہنجرا نے مقدمے میں نامزد ملزمان محمد نعمان، محمد سہیل اقبال سمیت دیگر کی عبوری ضمانت کی درخواستوں پر سماعت کی۔
سماعت کے بعد عدالت نے تمام نامزد ملزمان کی عبوری ضمانت منظور کرتے ہوئے مقدمے کی مزید کارروائی ایک ہفتے کے لیے ملتوی کر دی۔
واضح رہے کہ شازیہ منظور سے مبینہ تشدد کے واقعے کے حوالے سے تھانہ ملت پارک لاہور میں پولیس نے مقدمہ درج کر رکھا ہے۔ عدالتی کارروائی کے بعد مقدمے میں نامزد ملزمان کو عبوری ضمانت مل گئی ہے، جبکہ کیس کی مزید سماعت آئندہ ہفتے ہوگی۔
موضوعات:پاکستانی شوبز
اشتہار











