مستنصر حسین تارڑ نے عثمان عزیز تارڑ کی سولو پینٹنگ نمائش کا افتتاح کر دیا

لاہور: معروف ادیب، ناول نگار اور سفرنامہ نگار مستنصر حسین تارڑ نے شاکر علی میوزیم، پاکستان نیشنل کونسل آف دی آرٹس (پی این سی اے) لاہور میں مصور عثمان عزیز تارڑ کی سولو پینٹنگ نمائش ایڈ آسٹرا اے زوڈیکل اوڈیسی کا افتتاح کیا۔
افتتاحی تقریب میں فنونِ لطیفہ سے دلچسپی رکھنے والے افراد نے شرکت کی۔ نمائش کا اہتمام آمنہ مسعود اور الماس منظور نے کیا، جبکہ تقریب کے انتظامات اور میزبانی کی ذمہ داریاں منتظمین نے انجام دیں۔
عثمان عزیز تارڑ کی تازہ ترین تخلیقات پر مشتمل یہ نمائش ان کے فنی سفر میں ایک نئے تجربے کی عکاسی کرتی ہے۔ اس میں انہوں نے موضوع اور تکنیک کے حوالے سے اپنے روایتی انداز سے ہٹ کر تخلیقی اظہار کے نئے امکانات تلاش کیے ہیں۔
موضوعات:متفرق
اشتہار











