رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 14° جزوی بادل 21° / 8°فجر 05:37ظہر 12:17عصر 15:57مغرب 17:34عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
آبنائے ہرمز میں اماراتی کمپنی کے جہاز پر حملہ، ایک اہلکار لاپتا، 11 زخمیسندھ میں خون بہا تو ذمہ دار بلاول بھٹو ہوں گے: مصطفیٰ کمالدشمن کی کارروائی پر جواب زیادہ سخت ہوگا، جغرافیائی حدود کا پابند نہیں: ایرانی فوجنجکاری کمیشن اور پبلک پرائیویٹ پارٹنرشپ اتھارٹی کے انضمام کی تیاریبحرین اور کویت پر ایرانی حملے خطرناک کشیدگی کا باعث: قطری وزارت خارجہبلاول بھٹو: گزشتہ روز کچھ زیادہ سچ بول دیا، تنقید کرنے والوں کو جوابامریکی سینٹرل کمانڈ کے سربراہ تل ابیب پہنچ گئے، اسرائیلی فوجی قیادت سے ملاقاتبیرسٹر گوہر کا چیف جسٹس سے مطالبہ: انصاف ہوتا ہوا نظر آئے، دنیا عدالتوں کو دیکھ رہی ہےلٹن داس ٹیسٹ کی ایک اننگز میں 8 شکار کرنے والے پہلے وکٹ کیپر بن گئےموبائل ایپ سے قرضوں پر شرحِ منافع میں 67 فیصد کمیبابراعظم کو صرف ایک لمبی اننگز کی ضرورت ہے: یونس خانشفقت امانت علی کا خون کے سرطان میں مبتلا ہونے کا انکشاف

نواز شریف، شہباز شریف اور مریم نواز آج مظفرآباد کا دورہ کریں گے

نواز شریف، شہباز شریف اور مریم نواز آج مظفرآباد کا دورہ کریں گے
فائل فوٹو: نواز شریف، شہباز شریف اور مریم نواز آج مظفرآباد کا دورہ کریں گے — تصویر: بشکریہ thursdaytimes.com

مسلم لیگ ن کے صدر نواز شریف، وزیراعظم شہباز شریف اور وزیراعلیٰ پنجاب مریم نواز آج بدھ کو 18 نومبر کو مظفرآباد کا دورہ کریں گے۔

وہاں صدر ڈاکٹر نجیب نقی، وزیراعظم افتخار گیلانی، شاہ غلام قادر اور راجہ فاروق حیدر مظفرآباد پہنچنے پر ان کا استقبال کریں گے۔

مظفرآباد میں پارلیمانی پارٹی، ممبران کشمیر کونسل، ٹکٹ ہولڈرز اور اتحادی جماعت کے رکن اسمبلی ساجد اقبال عباسی سے ملاقات متوقع ہے۔ نواز شریف کے دورے کے دوران پارلیمانی پارٹی اور دیگر افراد سے ملاقات اور خطاب بھی متوقع ہے۔

ڈپٹی وزیراعظم اسحاق ڈار اور وزیراعظم کے مشیر برائے سیاسی امور رانا ثنا اللہ بھی دورۂ مظفرآباد میں ان کے ہمراہ ہوں گے۔

نواز شریف اور وزیراعظم شہباز شریف کے دورے کے لیے مظفرآباد اور نیلم میں سیکیورٹی کے فول پروف انتظامات مکمل کر لیے گئے ہیں۔

وفاقی وزیر امور کشمیر انجینئر امیر مقام ساجد اقبال کے ہمراہ انتظامات کا جائزہ لینے مظفرآباد پہنچ گئے ہیں۔ آزاد کشمیر کے وزیر توانائی و آبی وسائل ثاقب مجید راجہ نے مظفرآباد پہنچنے پر وفاقی وزیر کا استقبال کیا۔

ذرائع کے مطابق نواز شریف، وزیراعظم شہباز شریف، مریم نواز، اسحاق ڈار اور دیگر کو وزیراعظم ہاؤس میں عشائیہ دیا جائے گا۔

نواز شریف کے دورۂ مظفرآباد کے دوران وادی نیلم میں ایک روز قیام کی تیاریاں مکمل ہیں۔ ممکنہ قیام کے لیے وادی نیلم کے ریسٹ ہاؤس کی تزئین و آرائش مکمل کر لی گئی ہے۔ وزیراعظم شہباز شریف اسی روز مظفرآباد سے واپس اسلام آباد روانہ ہوں گے۔

ذرائع کے مطابق وزیراعظم آزاد کشمیر کی حکومت کے 100 روزہ پلان کا افتتاح نواز شریف اور وزیراعظم شہباز شریف کریں گے۔ وزیراعظم شہباز شریف آزاد کشمیر کے لیے بڑے ترقیاتی پیکج کا اعلان بھی کریں گے۔

وزیراعظم پاکستان کے متوقع ترقیاتی پیکج سے آزاد کشمیر میں مختلف ترقیاتی منصوبوں کے آغاز کا امکان ہے۔

اشتہار