رابرٹ پیٹنسن نئے جیمز بانڈ منتخب

لندن: برطانوی اداکار رابرٹ پیٹنسن کو جیمز بانڈ کے مشہور کردار کے لیے منتخب کر لیا گیا ہے۔ برطانوی میڈیا کے مطابق 007 فلمی سیریز کے انسٹاگرام اکاؤنٹ پر باضابطہ طور پر اعلان کیا گیا کہ رابرٹ پیٹنسن نئے جیمز بانڈ ہوں گے۔
رابرٹ پیٹنسن جیمز بانڈ کا کردار ادا کرنے والے ساتویں اداکار ہوں گے۔ ان سے قبل ڈینیئل کریگ یہ کردار ادا کر رہے تھے، جنہوں نے 2021 میں اس معروف جاسوسی فلمی سیریز کو خیرباد کہہ دیا تھا۔
برطانوی خبر ایجنسی کے مطابق یہ اعلان اداکار کے انتخاب کے لیے طویل عرصے تک جاری رہنے والے عمل کے بعد سامنے آیا ہے۔ اطلاعات کے مطابق پیٹنسن ان 5 اداکاروں کی مختصر فہرست میں شامل تھے جن میں سے نئے جیمز بانڈ کا انتخاب کیا جانا تھا۔ اس فہرست میں جوش اوکونر اور کالم ٹرنر کے نام بھی شامل تھے۔
40 سالہ رابرٹ پیٹنسن جیمز بانڈ کی اگلی فلم میں نظر آئیں گے، جو اس سلسلے کی 26 ویں آفیشل فلم ہوگی۔











