رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 21° صاف 21° / 8°فجر 05:37ظہر 12:17عصر 15:57مغرب 17:34عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
آبنائے ہرمز میں اماراتی کمپنی کے جہاز پر حملہ، ایک اہلکار لاپتا، 11 زخمیسندھ میں خون بہا تو ذمہ دار بلاول بھٹو ہوں گے: مصطفیٰ کمالدشمن کی کارروائی پر جواب زیادہ سخت ہوگا، جغرافیائی حدود کا پابند نہیں: ایرانی فوجنجکاری کمیشن اور پبلک پرائیویٹ پارٹنرشپ اتھارٹی کے انضمام کی تیاریبحرین اور کویت پر ایرانی حملے خطرناک کشیدگی کا باعث: قطری وزارت خارجہبلاول بھٹو: گزشتہ روز کچھ زیادہ سچ بول دیا، تنقید کرنے والوں کو جوابامریکی سینٹرل کمانڈ کے سربراہ تل ابیب پہنچ گئے، اسرائیلی فوجی قیادت سے ملاقاتبیرسٹر گوہر کا چیف جسٹس سے مطالبہ: انصاف ہوتا ہوا نظر آئے، دنیا عدالتوں کو دیکھ رہی ہےلٹن داس ٹیسٹ کی ایک اننگز میں 8 شکار کرنے والے پہلے وکٹ کیپر بن گئےموبائل ایپ سے قرضوں پر شرحِ منافع میں 67 فیصد کمیبابراعظم کو صرف ایک لمبی اننگز کی ضرورت ہے: یونس خانشفقت امانت علی کا خون کے سرطان میں مبتلا ہونے کا انکشاف

ریفرنڈم غیر آئینی مطالبہ نہیں، جمہوری راستہ ہے: طارق فضل چوہدری

ریفرنڈم غیر آئینی مطالبہ نہیں، جمہوری راستہ ہے: طارق فضل چوہدری
فائل فوٹو: وفاقی وزیر طارق فضل چوہدری — تصویر: بشکریہ dunyanews.tv

اسلام آباد: وفاقی وزیر پارلیمانی امور ڈاکٹر طارق فضل چوہدری نے پاکستان پیپلز پارٹی کے رہنما سعید غنی کے بیان پر شدید ردعمل کا اظہار کیا ہے۔

ان کا کہنا تھا کہ جمہوریت کا اصل حسن ہی یہی ہے کہ فیصلے عوام کی خواہشات اور امنگوں کے مطابق کیے جائیں۔

انہوں نے کہا کہ اگر عوام اپنے مستقبل اور مؤثر گورننس کے حوالے سے اپنی رائے دینا چاہتے ہیں تو انہیں اس بنیادی حق سے محروم کرنے کی کیا توجیہ ہے۔ عوامی رائے سامنے آنے سے پہلے ہی فیصلے مسلط کرنے کا کوئی جواز نہیں بنتا۔

ڈاکٹر طارق فضل چوہدری نے دوٹوک مؤقف اپناتے ہوئے کہا کہ ریفرنڈم کوئی غیر آئینی یا غیر جمہوری مطالبہ نہیں ہے، بلکہ یہ عین آئین میں موجود ایک جمہوری راستہ ہے۔

چونکہ پاکستان پیپلز پارٹی بھی جمہوریت اور آئین کی بالادستی کی دعویدار ہے، اس لیے انہیں عوام سے رائے لینے کے عمل میں ہچکچاہٹ محسوس نہیں ہونی چاہیے۔

وفاقی وزیر نے زور دیا کہ عوام کو کھل کر بولنے کا موقع دیا جائے، ان کی رائے کا مکمل احترام کیا جائے اور عوام جو بھی فیصلہ دیں، سیاسی جماعتوں کو اسے کھلے دل سے تسلیم کرنا چاہیے۔

انہوں نے مزید کہا کہ عوامی رائے کو مقدم رکھنا ہی اصل جمہوری رویہ اور حقیقی عوامی سیاست کا تقاضا ہے۔

موضوعات:
اشتہار