رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 21° صاف 21° / 8°فجر 05:37ظہر 12:17عصر 15:57مغرب 17:34عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
آبنائے ہرمز میں اماراتی کمپنی کے جہاز پر حملہ، ایک اہلکار لاپتا، 11 زخمیسندھ میں خون بہا تو ذمہ دار بلاول بھٹو ہوں گے: مصطفیٰ کمالدشمن کی کارروائی پر جواب زیادہ سخت ہوگا، جغرافیائی حدود کا پابند نہیں: ایرانی فوجنجکاری کمیشن اور پبلک پرائیویٹ پارٹنرشپ اتھارٹی کے انضمام کی تیاریبحرین اور کویت پر ایرانی حملے خطرناک کشیدگی کا باعث: قطری وزارت خارجہبلاول بھٹو: گزشتہ روز کچھ زیادہ سچ بول دیا، تنقید کرنے والوں کو جوابامریکی سینٹرل کمانڈ کے سربراہ تل ابیب پہنچ گئے، اسرائیلی فوجی قیادت سے ملاقاتبیرسٹر گوہر کا چیف جسٹس سے مطالبہ: انصاف ہوتا ہوا نظر آئے، دنیا عدالتوں کو دیکھ رہی ہےلٹن داس ٹیسٹ کی ایک اننگز میں 8 شکار کرنے والے پہلے وکٹ کیپر بن گئےموبائل ایپ سے قرضوں پر شرحِ منافع میں 67 فیصد کمیبابراعظم کو صرف ایک لمبی اننگز کی ضرورت ہے: یونس خانشفقت امانت علی کا خون کے سرطان میں مبتلا ہونے کا انکشاف

انطالیہ: بلوچستان کے بلیو کاربن منصوبے کو اقوام متحدہ کی کلائمیٹ کانفرنس میں پذیرائی

انطالیہ: بلوچستان کے بلیو کاربن منصوبے کو اقوام متحدہ کی کلائمیٹ کانفرنس میں پذیرائی
فائل فوٹو: انطالیہ: بلوچستان کے بلیو کاربن منصوبے کو اقوام متحدہ کی کلائمیٹ کانفرنس میں پذیرائی — تصویر: بشکریہ afpak.boell.org

انطالیہ (ترکیہ)/کوئٹہ: وزیر اعلیٰ بلوچستان میر سرفراز بگٹی کے کلائمیٹ وژن اور پائیدار ترقی کے لیے اسٹریٹجک اقدامات کے نتیجے میں حکومت بلوچستان نے ترکیہ کے شہر انطالیہ میں منعقدہ اقوام متحدہ کی 31ویں کلائمیٹ چینج کانفرنس میں اہم کامیابی حاصل کرلی۔

کانفرنس میں بلوچستان کے فلیگ شپ بلیو کاربن آفسیٹ پراجیکٹ کو بین الاقوامی کاربن پراجیکٹ ڈویلپرز، گرین سوورین ویلتھ فنڈز اور کثیرالجہتی کلائمیٹ اداروں کی بھرپور پذیرائی اور حمایت حاصل ہوئی، جس کے بعد بلوچستان عالمی کاربن فنانس اور ماحولیاتی سرمایہ کاری کے لیے ایک اہم مقام کے طور پر سامنے آیا ہے۔

بلیو کاربن اور کلائمیٹ فنانس سے متعلق اعلیٰ سطحی پلینری سیشن میں صوبائی وفد کی قیادت سیکرٹری محکمہ جنگلات و جنگلی حیات اسد اللہ فیض نے کی، جنہوں نے بلوچستان کے قدرتی وسائل، ساحلی ماحولیاتی نظام اور مستقبل کے سرمایہ کاری منصوبوں پر تفصیلی بریفنگ دی۔

منصوبے کی تفصیلات

بین الاقوامی سرمایہ کاروں نے بلوچستان بلیو کاربن آفسیٹ پراجیکٹ کو ماحولیاتی تحفظ، مالیاتی استحکام اور مؤثر گورننس کے حوالے سے ایک اہم منصوبہ قرار دیا۔ یہ منصوبہ بلوچستان پبلک پرائیویٹ پارٹنرشپ اتھارٹی کے تحت 46 سالہ پبلک پرائیویٹ پارٹنرشپ کی بنیاد پر تشکیل دیا گیا ہے۔

اس کے لیے 31 ملین امریکی ڈالر کی سرمایہ کاری مکمل طور پر نجی ڈویلپر کی ایکویٹی کے ذریعے کی جائے گی، اس طرح منصوبے پر صوبائی خزانے سے کوئی مالی بوجھ نہیں پڑے گا۔

منصوبے کے تحت گوادر، لسبیلہ اور حب کے اضلاع میں چھ بڑے ساحلی کلسٹرز کے اندر 34 ہزار 351 ہیکٹر رقبے پر مشتمل مینگروو جنگلات کی بحالی اور تحفظ یقینی بنایا جائے گا۔

بین الاقوامی کاربن اکاؤنٹنگ معیارات اور پیرس معاہدے کے آرٹیکل 6 کے تحت اس منصوبے سے اپنی مکمل مدت کے دوران 707 ملین امریکی ڈالر سے زائد کاربن ریونیو حاصل ہونے کا تخمینہ لگایا گیا ہے، جبکہ اس کے نتیجے میں لاکھوں ٹن کاربن ڈائی آکسائیڈ جذب کرنے میں بھی مدد ملے گی۔

کانفرنس میں بلوچستان کی 770 کلومیٹر طویل ساحلی پٹی کے قدرتی وسائل اور ماحولیاتی اہمیت کو بھی اجاگر کیا گیا۔ سیکرٹری اسد اللہ فیض نے بتایا کہ صوبہ پہلے ہی تین نوٹیفائیڈ میرین پروٹیکٹڈ ایریاز، جزیرہ استولہ، میان ہور اور جزیرہ چرنا کے تحفظ کے لیے اقدامات کر رہا ہے، جبکہ ایک لاکھ 60 ہزار ہیکٹر محفوظ مینگروو ریزرو بھی صوبے کے قدرتی سرمائے کا حصہ ہے۔

انہوں نے بتایا کہ ابتدائی بلیو کاربن منصوبے کے علاوہ بلوچستان میں مزید ایک لاکھ 60 ہزار ہیکٹر قابل عمل ساحلی اور ویٹ لینڈ رقبہ موجود ہے، جسے مستقبل میں کاربن منصوبوں کی توسیع اور بین الاقوامی سرمایہ کاری کے لیے استعمال کیا جاسکتا ہے۔ اس پیش رفت نے کانفرنس میں شریک عالمی سرمایہ کاروں اور ماحولیاتی اداروں کی خصوصی توجہ حاصل کی۔

اجلاس اور دوطرفہ مذاکرات کے دوران بلوچستان کے کمیونٹی بیسڈ کنزرویشن ماڈل کو بھی سراہا گیا۔

کمیونٹی ڈیویڈنڈ کی تجویز

منصوبے کے تحت کاربن ریونیو کا 15 فیصد کمیونٹی ڈویلپمنٹ فنڈ کے لیے مختص کیا گیا ہے، جس سے مقامی آبادیوں کے لیے سولر واٹر ڈی سیلینیشن، صاف پانی کی فراہمی اور ماحول دوست روزگار کے مواقع پیدا کیے جائیں گے۔

کانفرنس کے دوران ایک اہم پالیسی سفارش بھی پیش کی گئی، جس کے تحت ساحلی اور جنگلاتی علاقوں میں رہنے والی مقامی آبادیوں کو بین الاقوامی کاربن کریڈٹ سے حاصل ہونے والی آمدن میں براہ راست مالی حصہ یا ڈیویڈنڈ دینے کی تجویز دی گئی۔ سیکرٹری اسد اللہ فیض نے یقین دہانی کرائی کہ اس مجوزہ نظام کو باضابطہ پالیسی منظوری کے لیے وزیر اعلیٰ بلوچستان میر سرفراز بگٹی کے سامنے پیش کیا جائے گا تاکہ مقامی آبادی بھی صوبے کی گرین اکانومی اور ماحولیاتی ترقی کے ثمرات میں براہ راست شریک ہوسکے۔

منصوبے سے مقامی آبادیوں کو روزگار اور معاشی ترقی کے وسیع مواقع میسر آئیں گے، کیونکہ منصوبے پر کام کرنے والے ڈویلپرز کو مقامی افرادی قوت اور لیبر کو ترجیح دینا ہوگی، جس سے ساحلی اضلاع میں روزگار کے نئے مواقع پیدا ہونے کے ساتھ مقامی لوگوں کی معاشی حالت بہتر بنانے میں بھی مدد ملے گی۔

بلیو کاربن منصوبے کے تحت مینگروو جنگلات کی بحالی، ساحلی ماحول کے تحفظ، مقامی کمیونٹیز کی ترقی اور گرین روزگار کے فروغ کو یکجا کیا گیا ہے۔ کانفرنس میں منصوبے کو ملنے والی بین الاقوامی پذیرائی کو بلوچستان کے لیے اہم پیش رفت قرار دیا جا رہا ہے، جبکہ عالمی سرمایہ کاروں کی دلچسپی اس امر کی عکاس ہے کہ وزیر اعلیٰ میر سرفراز بگٹی کے کلائمیٹ وژن کے تحت صوبے کے قدرتی وسائل کو ماحولیاتی تحفظ کے ساتھ پائیدار معاشی ترقی اور بین الاقوامی سرمایہ کاری کے لیے بروئے کار لانے کی کوششیں آگے بڑھ رہی ہیں۔

اشتہار