رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 21° صاف 21° / 8°فجر 05:37ظہر 12:17عصر 15:57مغرب 17:34عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
آبنائے ہرمز میں اماراتی کمپنی کے جہاز پر حملہ، ایک اہلکار لاپتا، 11 زخمیسندھ میں خون بہا تو ذمہ دار بلاول بھٹو ہوں گے: مصطفیٰ کمالدشمن کی کارروائی پر جواب زیادہ سخت ہوگا، جغرافیائی حدود کا پابند نہیں: ایرانی فوجنجکاری کمیشن اور پبلک پرائیویٹ پارٹنرشپ اتھارٹی کے انضمام کی تیاریبحرین اور کویت پر ایرانی حملے خطرناک کشیدگی کا باعث: قطری وزارت خارجہبلاول بھٹو: گزشتہ روز کچھ زیادہ سچ بول دیا، تنقید کرنے والوں کو جوابامریکی سینٹرل کمانڈ کے سربراہ تل ابیب پہنچ گئے، اسرائیلی فوجی قیادت سے ملاقاتبیرسٹر گوہر کا چیف جسٹس سے مطالبہ: انصاف ہوتا ہوا نظر آئے، دنیا عدالتوں کو دیکھ رہی ہےلٹن داس ٹیسٹ کی ایک اننگز میں 8 شکار کرنے والے پہلے وکٹ کیپر بن گئےموبائل ایپ سے قرضوں پر شرحِ منافع میں 67 فیصد کمیبابراعظم کو صرف ایک لمبی اننگز کی ضرورت ہے: یونس خانشفقت امانت علی کا خون کے سرطان میں مبتلا ہونے کا انکشاف

کوئٹہ: صوبائی وزیر خزانہ میر شعیب نوشیروانی کا محکمہ خزانہ کے تربیتی پروگرام کا دورہ

کوئٹہ: صوبائی وزیر خزانہ میر شعیب نوشیروانی کا محکمہ خزانہ کے تربیتی پروگرام کا دورہ

کوئٹہ: محکمہ خزانہ حکومتِ بلوچستان کے زیرِ اہتمام جاری تربیتی پروگرام کے چوتھے روز بھی مختلف اہم مالیاتی، انتظامی اور ترقیاتی موضوعات پر تربیتی سرگرمیاں جاری رہیں۔ اس موقع پر صوبائی وزیر خزانہ میر شعیب نوشیروانی، سیکرٹری خزانہ جناب جہانگیر کاکڑ اور اسپیشل سیکرٹری جناب عارف اچکزئی نے تربیتی پروگرام کا خصوصی دورہ کیا۔

صوبائی وزیر خزانہ میر شعیب نوشیروانی، سیکرٹری خزانہ جہانگیر کاکڑ اور اسپیشل سیکرٹری عارف اچکزئی نے زیرِ تربیت افسران سے ملاقات کی اور ان کے ساتھ مختلف امور پر تبادلہ خیال کیا۔ انہوں نے تربیتی پروگرام کے انعقاد، اس کے مقاصد، افادیت اور شرکاء کی پیشہ ورانہ صلاحیتوں میں ہونے والی پیش رفت کا جائزہ لیا۔

اس موقع پر تربیت حاصل کرنے والے افسران کی حوصلہ افزائی بھی کی گئی اور سرکاری امور کی بہتر انجام دہی کے لیے جدید علم، عملی مہارتوں اور پیشہ ورانہ تربیت کی اہمیت پر زور دیا گیا۔

ماہرین کی تفصیلی بریفنگ

تربیتی سرگرمیوں کے دوران جناب بشیر احمد نے ادارہ جاتی نظم و نسق، سرکاری ملکیتی اداروں کی کارپوریٹ حکمرانی اور سرمایہ کاری کے مختلف پہلوؤں پر تفصیلی روشنی ڈالی۔ انہوں نے اداروں کے مؤثر انتظام، شفافیت، جواب دہی، بہتر فیصلہ سازی اور سرمایہ کاری کے فروغ سے متعلق اہم امور سے شرکاء کو آگاہ کیا۔

اسی طرح پبلک پرائیویٹ پارٹنرشپ یونٹ کے منیجنگ ڈائریکٹر ڈاکٹر نور محمد نے سرکاری اور نجی شعبے کے اشتراک پر مبنی ترقیاتی نظام، متعلقہ قانونی و انتظامی ڈھانچے، اتھارٹی اور یونٹ کے کردار و ذمہ داریوں کے حوالے سے تفصیلی معلومات فراہم کیں۔ انہوں نے اس نظام کے تحت ترقیاتی منصوبوں میں نجی شعبے کی شمولیت، وسائل کے مؤثر استعمال اور عوامی خدمات کی بہتری سے متعلق اہم نکات بھی اجاگر کیے۔

مزید برآں ڈائریکٹر ایم آئی ایس جناب عاصم محمود نے ایس اے پی رپورٹنگ، مالیاتی معلومات کے اندراج، رپورٹس کی تیاری اور اس نظام میں استعمال ہونے والی اہم اصطلاحات کے بارے میں شرکاء کو آگاہ کیا۔ انہوں نے جدید اطلاعاتی نظام کے ذریعے مالیاتی امور کی نگرانی، رپورٹنگ اور انتظامی معاملات کو بہتر بنانے کے مختلف پہلوؤں پر بھی روشنی ڈالی۔

تربیت کا بنیادی مقصد

محکمہ خزانہ بلوچستان کے زیرِ اہتمام اس تربیتی پروگرام کا بنیادی مقصد افسران کی پیشہ ورانہ استعدادِ کار میں اضافہ، مالیاتی نظم و نسق کو جدید تقاضوں سے ہم آہنگ کرنا، ادارہ جاتی شفافیت اور جواب دہی کو فروغ دینا اور سرکاری امور کی انجام دہی میں جدید طریقہ کار اور عملی مہارتوں کو متعارف کرانا ہے۔

اس تربیت کے ذریعے افسران کو مالیاتی انتظام، سرمایہ کاری، ترقیاتی شراکت داری اور جدید رپورٹنگ کے نظام سے متعلق ضروری معلومات اور عملی رہنمائی فراہم کی جا رہی ہے۔

اشتہار