رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 15° جزوی بادل 20° / 9°فجر 05:38ظہر 12:18عصر 15:57مغرب 17:33عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
میر علی میں فوجی کارروائی کے بعد امن، شہریوں اور مشران کا تعاون کا اعلانصومالیہ کا یو اے ای کے سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیاپاکستان نے بھارتی طیاروں پر فضائی حدود کی پابندی 24 دسمبر تک بڑھا دیپیٹرول ایک روپے مہنگا، نئی قیمت 323 روپے فی لیٹر، ڈیزل 355 روپے پر برقرارایوان صدر میں پیپلز پارٹی کا اہم اجلاس، نئے صوبوں اور قانون سازی پر غورٹرمپ، پوتن اور شی کا مشترکہ اعلامیہ: جوہری جنگ جیتی نہیں جا سکتیانتھروپک کی نیس ڈیک پر شاندار لسٹنگ، مالیت 1.8 ٹریلین ڈالر تک پہنچنے کا امکانعالمی عدالتِ انصاف نے میانمار کو روہنگیا نسل کشی کا ذمہ دار قرار دے دیاآئی جی اسلام آباد کی ننھے شطرنج کے کھلاڑی عبدالرحمن سے ملاقات، ہر ممکن معاونت کی یقین دہانیبیرسٹر گوہر کا پیپلز پارٹی سے سیٹیں واپس کرنے کا مطالبہراولپنڈی ٹیسٹ: سونل دینوشا کا میچ ابھی ختم نہ ہونے اور مزید رنز بنانے کا عزمفلم انڈسٹری کی بحالی، فلم سٹی کے قیام پر پنجاب اسپیکر سے پروڈیوسرز کا تبادلہ خیال
صفحہ اول› بلوچستان ›نصیرآباد

نصیرآباد: ڈپٹی کمشنر وریندر لعل کی صدارت میں ترقیاتی منصوبوں کا جائزہ

نصیرآباد: ڈپٹی کمشنر وریندر لعل کی صدارت میں ترقیاتی منصوبوں کا جائزہ
تصویر: بشکریہ ڈی جی پی آر بلوچستان

نصیرآباد: ڈپٹی کمشنر نصیرآباد وریندر لعل کی زیرِ صدارت ڈسٹرکٹ ڈویلپمنٹ کمیٹی کا ایک اہم اجلاس منعقد ہوا، جس میں ایگزیکٹو انجینئر (ایکسین) اور محکمہ لوکل گورنمنٹ کے متعلقہ افسران نے شرکت کی۔ اجلاس میں بلوچستان اسپیشل ڈویلپمنٹ انیشیٹو (BSDI) فیز ٹو اور فیز تھری کے تحت جاری، مکمل ہونے والے اور زیرِ تکمیل ترقیاتی منصوبوں کی پیش رفت کا تفصیلی جائزہ لیا گیا۔

اس موقع پر متعلقہ افسران نے ڈپٹی کمشنر کو مختلف ترقیاتی اسکیمات، ان پر ہونے والے کام، فنڈز کے استعمال اور تعمیراتی مراحل کے حوالے سے تفصیلی بریفنگ دی۔ اجلاس کو بتایا گیا کہ بلوچستان اسپیشل ڈویلپمنٹ انیشیٹو فیز ٹو کے تحت منظور شدہ تمام ترقیاتی اسکیمات کامیابی کے ساتھ پایہ تکمیل تک پہنچا دی گئی ہیں، جبکہ فیز تھری کے تحت شروع کیے گئے ترقیاتی منصوبوں پر تقریباً 60 سے 70 فیصد تک کام مکمل ہو چکا ہے۔ باقی ماندہ کام بھی تیزی سے جاری ہے اور متعلقہ محکمے ان منصوبوں کو مقررہ مدت کے اندر مکمل کرنے کے لیے تمام دستیاب وسائل بروئے کار لا رہے ہیں۔

ترقیاتی منصوبوں کے معیار پر زور

اجلاس سے خطاب کرتے ہوئے ڈپٹی کمشنر وریندر لعل نے کہا کہ ترقیاتی منصوبوں کی بروقت تکمیل کے ساتھ ساتھ تعمیراتی معیار کو برقرار رکھنا بھی متعلقہ محکموں کی بنیادی ذمہ داری ہے۔ انہوں نے واضح کیا کہ منصوبوں کے معیار پر کسی قسم کا سمجھوتہ ہرگز برداشت نہیں کیا جائے گا اور تمام ترقیاتی اسکیمات کی شفافیت، معیار اور رفتار کو ہر صورت یقینی بنایا جائے۔

انہوں نے متعلقہ افسران کو ہدایت کی کہ وہ ترقیاتی منصوبوں کی باقاعدگی سے نگرانی کریں، تعمیراتی کام میں استعمال ہونے والے میٹریل کے معیار پر خصوصی توجہ دیں اور کام کی رفتار کو مزید تیز کیا جائے تاکہ تمام منصوبے مقررہ مدت کے اندر مکمل ہو سکیں۔

ڈپٹی کمشنر نے مزید کہا کہ حکومت کی جانب سے ان ترقیاتی منصوبوں کا بنیادی مقصد عوام کو بہتر شہری سہولیات فراہم کرنا، بنیادی ڈھانچے کو مضبوط بنانا اور علاقے میں ترقی و خوشحالی کے عمل کو فروغ دینا ہے۔ لہٰذا افسران اپنی ذمہ داریاں پوری محنت، لگن اور دیانت داری سے ادا کریں تاکہ ان منصوبوں کے ثمرات براہِ راست عام شہریوں تک پہنچ سکیں۔

تصویر: بشکریہ ڈی جی پی آر بلوچستان

اشتہار