کوئٹہ: ایڈیشنل ڈپٹی کمشنر ریونیو حافظ محمد طارق کی صدارت میں کھاد اور زرعی انکم ٹیکس کا جائزہ

کوئٹہ: ڈپٹی کمشنر کوئٹہ مہر اللہ بادینی کی ہدایت پر ایڈیشنل ڈپٹی کمشنر (ریونیو) کوئٹہ حافظ محمد طارق کی زیرِ صدارت ضلعے میں کھاد کی سپلائی، ترسیل، ویری فکیشن اور ایگریکلچر انکم ٹیکس کے حوالے سے سب کمیٹی کا جائزہ اجلاس منعقد ہوا۔
اجلاس میں ایگریکلچر آفیسران، تحصیلداران، پٹواریوں سمیت متعلقہ محکموں کے افسران نے شرکت کی۔ اجلاس میں زمینداروں کو درپیش مشکلات، ایگریکلچر انکم ٹیکس، کھاد کی دستیابی اور ترسیل کے طریقہ کار سمیت مختلف امور پر تفصیلی بریفنگ دی گئی۔
متعلقہ افسران کو ہدایات
اس موقع پر متعلقہ افسران کو ہدایت کی گئی کہ تمام امور کا باریک بینی سے جائزہ لے کر حقائق پر مبنی جامع رپورٹ مرتب کی جائے اور ایک ہفتے کے اندر پیش کی جائے تاکہ مسائل کے حل اور متعلقہ معاملات کو مؤثر انداز میں آگے بڑھایا جا سکے۔
انہوں نے کہا کہ اس حوالے سے ایسی پالیسی مرتب کی جائے گی جس سے زمینداروں کو پریشانی کا سامنا نہ کرنا پڑے اور انہیں بروقت مل سکے۔
تصویر: بشکریہ ڈی جی پی آر بلوچستان










