کوئٹہ: انٹرنل آڈٹ یونٹ کے افسران کے لیے اسکل ڈویلپمنٹ ٹریننگ کا پانچواں روز

کوئٹہ: محکمہ خزانہ بلوچستان کے زیر اہتمام انٹرنل آڈٹ یونٹ کی استعدادِ کار میں اضافے اور افسران کی پیشہ ورانہ صلاحیتوں کو مزید مؤثر بنانے کے لیے جاری اسکل ڈویلپمنٹ ٹریننگ کے پانچویں روز مختلف اہم مالیاتی اور انتظامی امور پر تربیتی سیشنز کا انعقاد کیا گیا۔
تربیتی سیشنز
پہلے سیشن میں ایڈیشنل سیکرٹری بجٹ مسٹر فخرالدین نے بجٹ اور پراجیکٹ مینجمنٹ کے موضوعات پر شرکاء کو تفصیلی آگاہی فراہم کی۔
دوسرے سیشن میں ایڈیشنل سیکرٹری بجٹ مسٹر فیاض علی نے ڈرائنگ اینڈ ڈسبرسنگ آفیسرز (DDOs) کی ذمہ داریوں، مالیاتی امور اور سرکاری ریکارڈ کی مؤثر دیکھ بھال کے حوالے سے تربیت فراہم کی۔
تربیتی پروگرام کے آخری سیشن میں ایڈیشنل سیکرٹری ڈویلپمنٹ محمد قاسم نے ترقیاتی بجٹ، ترقیاتی منصوبوں کے پورٹ فولیو، فنڈز کے اجراء اور تخصیص کی پالیسیوں، مختلف شعبوں کے لیے بجٹ کی تقسیم، کارپوریٹ سوشل ریسپانسبلٹی (CSR) اور ترقیاتی منصوبوں میں ترامیم و منسوخی کے طریقہ کار پر تفصیلی بریفنگ دی۔
ٹریننگ کا مقصد انٹرنل آڈٹ یونٹ کے افسران کی پیشہ ورانہ مہارتوں میں اضافہ، مالیاتی نظم و ضبط کا فروغ اور سرکاری وسائل کے مؤثر، شفاف اور ذمہ دارانہ استعمال کو یقینی بنانے کے لیے ادارہ جاتی استعدادِ کار کو مزید مستحکم بنانا ہے۔
تصویر: بشکریہ ڈی جی پی آر بلوچستان










