رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 20° جزوی بادل 21° / 8°فجر 05:37ظہر 12:17عصر 15:57مغرب 17:34عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
آبنائے ہرمز میں اماراتی کمپنی کے جہاز پر حملہ، ایک اہلکار لاپتا، 11 زخمیسندھ میں خون بہا تو ذمہ دار بلاول بھٹو ہوں گے: مصطفیٰ کمالدشمن کی کارروائی پر جواب زیادہ سخت ہوگا، جغرافیائی حدود کا پابند نہیں: ایرانی فوجنجکاری کمیشن اور پبلک پرائیویٹ پارٹنرشپ اتھارٹی کے انضمام کی تیاریبحرین اور کویت پر ایرانی حملے خطرناک کشیدگی کا باعث: قطری وزارت خارجہبلاول بھٹو: گزشتہ روز کچھ زیادہ سچ بول دیا، تنقید کرنے والوں کو جوابامریکی سینٹرل کمانڈ کے سربراہ تل ابیب پہنچ گئے، اسرائیلی فوجی قیادت سے ملاقاتبیرسٹر گوہر کا چیف جسٹس سے مطالبہ: انصاف ہوتا ہوا نظر آئے، دنیا عدالتوں کو دیکھ رہی ہےلٹن داس ٹیسٹ کی ایک اننگز میں 8 شکار کرنے والے پہلے وکٹ کیپر بن گئےموبائل ایپ سے قرضوں پر شرحِ منافع میں 67 فیصد کمیبابراعظم کو صرف ایک لمبی اننگز کی ضرورت ہے: یونس خانشفقت امانت علی کا خون کے سرطان میں مبتلا ہونے کا انکشاف

قلات: ڈپٹی کمشنر عائشہ زہری کی صدارت میں ڈسٹرکٹ ہیلتھ مینجمنٹ کمیٹی کا اجلاس

قلات: ڈپٹی کمشنر انجینئر عائشہ زہری کی زیرِ صدارت ڈسٹرکٹ ہیلتھ مینجمنٹ کمیٹی کا ماہانہ اجلاس منعقد ہوا۔ اجلاس میں ڈسٹرکٹ ہیلتھ آفیسر ڈاکٹر عبدالمالک، میڈیکل سپرنٹنڈنٹ ڈاکٹر سومار خان، ڈسٹرکٹ اکاؤنٹس آفیسر عبدالفتاح سمیت محکمہ صحت قلات کے دیگر ذمہ داران نے شرکت کی۔

ضلع میں صحت کے مسائل پر تبادلہ خیال

اجلاس میں ضلع بھر میں صحت کے شعبے کو درپیش مسائل اور عوام کو طبی سہولیات کی فراہمی سے متعلق مختلف امور پر تفصیلی تبادلہ خیال کیا گیا۔ جن میں ہسپتالوں میں ڈاکٹروں اور دیگر ٹیکنیکل اسٹاف کی حاضری یقینی بنانا، ڈاکٹروں اور عملے کی کمی، تبادلوں اور تعیناتیوں، ہسپتالوں میں ادویات کی فراہمی، بنیادی مراکزِ صحت (BHU) میں ایمبولینسز اور دیگر بنیادی سہولیات کی دستیابی، عطائی ڈاکٹروں کے خلاف کارروائی اور دیگر متعلقہ امور شامل تھے۔

اس موقع پر ڈپٹی کمشنر انجینئر عائشہ زہری نے کہا کہ ایک صحت مند معاشرے کی تشکیل کے لیے عوام کو صحت کی معیاری سہولیات کی فراہمی ناگزیر ہے۔ ڈاکٹرز اور دیگر ٹیکنیکل اسٹاف اپنی جائے تعیناتی پر حاضری یقینی بنائیں، فرائض میں غفلت اور لاپروائی کسی صورت قابلِ قبول نہیں ہوگی۔

انہوں نے کہا کہ عوام کو بہترین طبی سہولیات کی فراہمی ہم سب کی مشترکہ ذمہ داری ہے۔ اس سلسلے میں ضلعی انتظامیہ قلات محکمہ صحت کے ساتھ ہر ممکن تعاون جاری رکھے گی۔ صحت کے شعبے میں کسی قسم کی غفلت برداشت نہیں کی جائے گی اور عوام کو معیاری طبی سہولیات کی فراہمی پر کوئی سمجھوتہ نہیں کیا جائے گا۔

اشتہار