گوادر کے بلوچ وارڈ میں فٹسال گراؤنڈ کی تعمیر مکمل، 2 کروڑ 36 لاکھ سے زائد لاگت

گوادر: 18 نومبر۔ صوبائی حکومت کھیلوں کے فروغ، نوجوانوں کو مثبت اور صحت مند سرگرمیوں کے مواقع فراہم کرنے اور شہری سہولیات کی بہتری کے وژن کے تحت بلوچستان اسپیشل ڈویلپمنٹ انیشی ایٹو (BSDI) پروگرام کے فیز ون میں بلوچ وارڈ گوادر میں فٹسال گراؤنڈ کی تعمیر کا منصوبہ مکمل ہو گیا ہے۔
منصوبے پر مجموعی طور پر 2 کروڑ 36 لاکھ 36 ہزار روپے لاگت آئی ہے۔ منصوبے پر عملدرآمد محکمہ مواصلات و تعمیرات، فزیکل پلاننگ اینڈ ہاؤسنگ حکومت بلوچستان گوادر کے زیر نگرانی کیا گیا ہے۔
فٹسال گراؤنڈ کی تعمیر سے بلوچ وارڈ اور گردونواح کے نوجوانوں کو کھیلوں کی معیاری سہولت میسر آئے گی، جس سے فٹ بال سمیت دیگر مثبت کھیلوں کی سرگرمیوں کو فروغ ملے گا۔
یہ منصوبہ نوجوانوں کی جسمانی صحت، صلاحیتوں کے نکھار اور کھیلوں کے ذریعے صحت مند معاشرے کے قیام میں معاون ثابت ہوگا۔
اشتہار











