قطر اور جرمنی کا ایران سے حوثی حمایت ختم کرنے اور جوہری شفافیت بڑھانے کا مطالبہ

برلن: قطر اور جرمنی نے ایران پر زور دیا ہے کہ وہ یمن کے حوثی گروہ کی عسکری و مالی حمایت ختم کرے اور اپنے جوہری پروگرام سے متعلق عالمی برادری کے ساتھ تعاون اور شفافیت میں اضافہ کرے۔
امیرِ قطر شیخ تمیم بن حمد آل ثانی کے جرمنی کے سرکاری دورے کے موقع پر جاری مشترکہ اعلامیے میں کہا گیا کہ ایران کو جوہری ہتھیار تیار کرنے یا حاصل کرنے کی اجازت نہیں ہونی چاہیے۔
اعلامیے میں تہران سے مطالبہ کیا گیا کہ وہ جوہری عدم پھیلاؤ کے معاہدے اور بین الاقوامی جوہری ادارے کے حفاظتی معاہدوں کی پاسداری کرے، معائنہ کاروں کے ساتھ تعاون بڑھائے اور حوثیوں کو اسلحہ فراہم کرنا بند کرے۔
حوثی گروہ سے بھی حملے روکنے اور سیاسی مذاکرات کی طرف واپس آنے کا مطالبہ کیا گیا ہے۔
موضوعات:ایران
اشتہار











