امریکی افواج کا ایرانی جزیرہ قشم پر میزائل حملہ، دفاعی تنصیبات کو نقصان

واشنگٹن: امریکی مسلح افواج نے خلیجِ فارس اور آبنائے ہرمز کے انتہائی حساس مقام پر واقع ایرانی جزیرہ قشم پر شدید میزائل حملہ کیا ہے، جس کے نتیجے میں متعدد دفاعی اور بندرگاہی تنصیبات کو نقصان پہنچا۔
خطے کے عسکری و سکیورٹی ذرائع نے تصدیق کی کہ اس حملے میں جدید کروز میزائل استعمال کیے گئے، جنہوں نے ساحلی ریڈار تنصیبات اور عسکری مراکز کو نشانہ بنایا۔
مقامی ذرائع نے بتایا کہ دھماکوں کی آوازیں دور دور تک سنی گئیں، جبکہ امدادی ٹیموں نے متاثرہ مقامات پر پہنچ کر آگ بجھانے اور ملبہ ہٹانے کا کام مکمل کر لیا۔
دفاعی مبصرین کے مطابق آبنائے ہرمز کے دہانے پر واقع اس اہم ترین ایرانی جزیرے کو نشانہ بنانے سے مشرقِ وسطیٰ میں جاری عسکری محاذ آرائی مزید سنگین رخ اختیار کر گئی ہے۔
اشتہار











