ایران تنازع طول پکڑا تو امریکی جنگی صلاحیت متاثر ہو سکتی ہے: سینٹرل کمانڈ کا انتباہ

واشنگٹن: امریکی فوج کی سینٹرل کمانڈ نے خبردار کیا ہے کہ اگر ایران کے ساتھ جاری عسکری تنازع آئندہ سال تک طویل ہو گیا تو اس سے امریکی مسلح افواج کی مجموعی جنگی صلاحیت اور دیگر عالمی محاذوں پر تیاری بری طرح متاثر ہو سکتی ہے۔
غیر ملکی خبر رساں ادارے کے مطابق واشنگٹن سے شائع ہونے والی دفاعی رپورٹ میں بتایا گیا ہے کہ مشرقِ وسطیٰ میں جنگی بحری بیڑوں، فضائی دفاعی نظام اور جدید میزائلوں کے مسلسل استعمال سے پینٹاگون کے اسٹریٹجک ذخائر پر شدید دباؤ پڑ رہا ہے۔
عسکری حکام کے مطابق بحرِ احمر اور خلیجِ فارس میں جاری جھڑپوں کے باعث فوجی سازوسامان کی مرمت اور نئی فراہمی کے لیے وقت درکار ہوگا۔
دفاعی تجزیہ کاروں کا کہنا ہے کہ امریکی عسکری قیادت کے اس انتباہ نے وائٹ ہاؤس کی جنگی حکمتِ عملی پر نئی بحث چھیڑ دی ہے۔
اشتہار











