افغانستان میں دہشت گرد گروہوں سے رکن ممالک کو شدید خطرات: سلامتی کونسل کی سربراہ

نیویارک: اقوامِ متحدہ کی سلامتی کونسل کی سربراہ سانیتا پاولیوٹا ڈیس لینڈیس نے کہا ہے کہ افغانستان میں دہشت گرد گروہوں کی مسلسل موجودگی کے باعث رکن ممالک کو سرحد پار دہشت گردی کے شدید خطرات کا سامنا ہے۔
نیویارک میں سلامتی کونسل کے اجلاس کے اختتام پر ذرائع ابلاغ کو بریفنگ دیتے ہوئے انہوں نے بتایا کہ تحریک طالبان پاکستان خطے کے لیے سنگین نوعیت کا خطرہ بن چکی ہے، جس نے افغان سرزمین استعمال کرتے ہوئے پاکستان میں کئی جان لیوا حملے کیے ہیں۔
انہوں نے کہا کہ اس شدت پسند گروہ کو افغانستان میں لاجسٹک اور آپریشنل معاونت حاصل ہے، جبکہ داعش خراسان بھی بیرونی علاقوں میں کارروائیوں پر توجہ مرکوز کیے ہوئے ہے۔
دوسری جانب چین نے بھی بیان جاری کرتے ہوئے کہا ہے کہ افغان سرزمین سے سرگرم دہشت گردوں کے خاتمے کے لیے عملی اقدامات ناگزیر ہو چکے ہیں۔
اشتہار











