بھارت سے مذاکرات کی بحالی نئی دہلی کے طرز عمل پر منحصر: اسحاق ڈار

اسلام آباد: نائب وزیراعظم اسحاق ڈار نے کہا ہے کہ بھارت کے ساتھ مذاکرات کی بحالی کا دارومدار نئی دہلی کے طرز عمل پر ہے۔
غیر ملکی میڈیا کو انٹرویو دیتے ہوئے انہوں نے واضح کیا کہ بھارت سندھ طاس معاہدہ یکطرفہ طور پر معطل نہیں کر سکتا۔
انہوں نے مذاکرات کو امریکا ایران کشیدگی کا واحد حل قرار دیا۔ ان کا کہنا تھا کہ جنگ شروع ہوتے ہی انہوں نے ایرانی وزیر خارجہ سے رابطہ کر کے تحمل کا مشورہ دیا تھا۔
اسحاق ڈار نے کہا کہ پاکستان سلامتی کونسل کے غیر مستقل رکن کی حیثیت سے عالمی تنازعات کے پرامن حل کے لیے کوشاں ہے۔ خطے میں پائیدار امن کے لیے نیا سکیورٹی فریم ورک وقت کی اہم ضرورت ہے۔
ان کا کہنا تھا کہ بلاک پالیٹکس مسائل کا حل نہیں، اور آج کا پاکستان امریکا اور چین دونوں کے ساتھ متوازن تعلقات برقرار رکھے گا۔
اسحاق ڈار نے بتایا کہ پاکستان، سعودی عرب، ترکیے اور مصر پر مشتمل…











