ٹرمپ کا ایران کے خلاف فوجی کارروائی کا فیصلہ آئندہ برس تک مؤخر کرنے کا عندیہ

واشنگٹن: امریکی صدر ڈونلڈ ٹرمپ نے ایران کے خلاف ممکنہ نئی فوجی کارروائی کا حتمی فیصلہ آئندہ برس کے آغاز تک مؤخر کرنے کا عندیہ دیتے ہوئے اسرائیلی قیادت کی جلد بازی پر بھی تنقید کی ہے۔
غیر ملکی خبر رساں ادارے کے مطابق واشنگٹن میں صحافیوں سے گفتگو کرتے ہوئے امریکی صدر نے کہا کہ ایران کے معاملے پر کوئی جلدی نہیں ہے، وہ اس حوالے سے آئندہ سال تک انتظار کریں گے، کیونکہ امریکا کے پاس ایران کے منجمد اربوں ڈالر اور سمندری ناکہ بندی کا مؤثر ہتھیار موجود ہے۔
انہوں نے کہا کہ بعض اتحادی ممالک فوری کارروائی کے خواہشمند ہیں تاہم واشنگٹن اپنے قومی مفادات کو سامنے رکھ کر ہی کوئی فیصلہ کرے گا۔
سفارتی مبصرین کا کہنا تھا کہ ٹرمپ کے اس تازہ بیان سے مشرقِ وسطیٰ میں فوری بڑی جنگ کے خدشات فی الحال ٹل گئے ہیں اور سفارتی ذرائع کو مزید وقت مل گیا ہے۔
اشتہار











