رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 18° صاف 18° / 8°فجر 05:39ظہر 12:18عصر 15:57مغرب 17:33عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
رانا ثنا اللہ کی صدر زرداری سے اپیل: نئے صوبوں پر بحث تعمیری رکھنے کے لیے بیٹوں کو سمجھائیںسعودی اتحاد کا جیزان میں حوثیوں کے دو بیلسٹک میزائل تباہ کرنے کا دعویٰمیرعلی میں آپریشن، خواتین کے بھیس میں رکشے پر فرار کی کوشش کرنے والے دہشت گرد ہلاک: سیکیورٹی ذرائعڈیرہ مراد جمالی: جعفر ایکسپریس کو دھماکے سے اڑانے کی کوشش ناکام، ریلوے ٹریک کو جزوی نقصانبلاول بھٹو کا شکوہ: وزیراعظم معاشی منصوبہ لائیں تو ایک وزیر اپنا ایجنڈا سامنے رکھ دیتا ہےراولپنڈی ٹیسٹ: چوتھے روز 6 ہزار پولیس اہلکار سیکیورٹی اور ٹریفک ڈیوٹی پر تعیناتپاکستان اور ترکیہ کے توانائی تعاون میں نیا باب، سمندری علاقوں میں تیل و گیس کا سروےافغانستان میں دہشت گرد گروہوں سے رکن ممالک کو شدید خطرات: سلامتی کونسل کی سربراہویمنز ایمرجنگ نیشنز ٹرافی: آئرلینڈ کے ہاتھوں پاکستان ویمن ٹیم کو 9 وکٹوں سے شکستایران کے خلاف جنگ پر امریکی اخراجات 48 ارب ڈالر سے تجاوز، پینٹاگون سے حساب طلبمحمد عباس: سری لنکا کے خلاف ٹیسٹ سیریز میں کامیابی خوش آئند ہےنیٹ فلکس سیریز ‘جو بچے ہیں سنگ سمیٹ لو’ کا پہلا ٹریلر 24 نومبر کو ریلیز ہوگا

فلم انڈسٹری کی بحالی، فلم سٹی کے قیام پر پنجاب اسپیکر سے پروڈیوسرز کا تبادلہ خیال

فلم انڈسٹری کی بحالی، فلم سٹی کے قیام پر پنجاب اسپیکر سے پروڈیوسرز کا تبادلہ خیال
فائل فوٹو: اسپیکر پنجاب اسمبلی ملک محمد احمد خان — تصویر: بشکریہ thenews.com.pk

لاہور: پاکستان فلم پروڈیوسرز ایسوسی ایشن کے ایک اعلیٰ سطحی وفد نے اسپیکر پنجاب اسمبلی ملک محمد احمد خان سے ملاقات کی، جس میں پنجاب میں فلمی صنعت کی بحالی، فلم سٹی کے قیام، فنکاروں کی فلاح و بہبود اور فلم انڈسٹری سے متعلق قانون سازی کے امکانات پر تفصیلی تبادلہ خیال کیا گیا۔

وفد کی قیادت ایسوسی ایشن کے چیئرمین میاں امجد فرزند نے کی۔ وفد میں معروف اداکار شان شاہد، فلم ساز سید نور، چوہدری ذوالفقار، ٹی وی اینکر و سینئر صحافی ذوالفقار راحت، احمد افتخار اور رانا نعیم شامل تھے۔

ملاقات کے دوران اسپیکر پنجاب اسمبلی ملک محمد احمد خان نے وفد کو پنجاب اسمبلی کی کارروائی کا مشاہدہ کرنے کی دعوت دی اور صوبے میں قانون سازی کے عمل اور فلم و ثقافت کے شعبوں سے متعلق حکومتی اقدامات پر تبادلہ خیال کیا۔

اسپیکر ملک محمد احمد خان نے کہا کہ حکومت پنجاب فن و ثقافت کے فروغ، فنکاروں کی معاونت اور فلمی صنعت کی ترقی کے لیے اقدامات کر رہی ہے۔ فلم سٹی کا قیام اسی سلسلے کی ایک اہم تجویز ہے، جبکہ فلم پروڈیوسرز کو مالی معاونت فراہم کرنے کے لیے بھی اقدامات کیے جا رہے ہیں۔ وزیراعلیٰ پنجاب مریم نواز شریف انٹرٹینمنٹ انڈسٹری کے فروغ اور فلمی صنعت کی بحالی میں خصوصی دلچسپی لے رہی ہیں۔

وفد کی تجاویز

پاکستان فلم پروڈیوسرز ایسوسی ایشن کے وفد نے حکومتی اقدامات پر اطمینان کا اظہار کرتے ہوئے زور دیا کہ فلم سازی کے لیے مختص فنڈز میں پنجاب کے مقامی پروڈیوسرز کو ترجیح دی جائے اور صوبے کے فنکاروں کی حوصلہ افزائی کے لیے عملی اقدامات کیے جائیں۔

وفد کے ارکان نے تجویز دی کہ فلم انڈسٹری سے متعلق قانون سازی کے عمل میں پروڈیوسرز، فنکاروں اور اس شعبے سے وابستہ دیگر اسٹیک ہولڈرز کی آرا اور تجاویز کو شامل کیا جائے تاکہ صنعت کو درپیش مسائل کا مؤثر حل تلاش کیا جا سکے۔

ملاقات میں فلم انڈسٹری کی ترقی کے لیے حکومت، قانون ساز اداروں اور فلمی شعبے سے وابستہ افراد کے درمیان ادارہ جاتی رابطے اور باہمی تعاون کو فروغ دینے کی ضرورت پر اتفاق کیا گیا۔

اشتہار