گوادر: گورنمنٹ بوائز ڈگری کالج میں 2 کروڑ 36 لاکھ کی لاگت سے جدید فٹسال گراؤنڈ مکمل

گوادر: بلوچستان اسپیشل ڈویلپمنٹ انیشی ایٹو (BSDI) پروگرام کے فیز ون کے تحت گورنمنٹ بوائز ڈگری کالج گوادر میں 2 کروڑ 36 لاکھ 36 ہزار روپے کی لاگت سے جدید فٹسال گراؤنڈ کی تعمیر مکمل کر لی گئی ہے۔
یہ منصوبہ ڈپٹی کمشنر گوادر نقیب اللہ کاکڑ کی خصوصی کاوشوں اور ڈسٹرکٹ کوآرڈینیشن کمیٹی کے فیصلے کے تحت محکمہ مواصلات و تعمیرات، فزیکل پلاننگ اینڈ ہاؤسنگ حکومت بلوچستان کی نگرانی میں مکمل کیا گیا۔
منصوبے کا مقصد صوبائی حکومت بلوچستان کی نوجوانوں کی مثبت سرگرمیوں، کھیلوں کے فروغ اور تعلیمی اداروں میں بہتر کھیلوں کی سہولیات فراہم کرنے کی پالیسی کو عملی جامہ پہنانا ہے۔
اشتہار











