رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 9° جزوی بادل 19° / 8°فجر 05:39ظہر 12:18عصر 15:57مغرب 17:33عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
رانا ثنا اللہ کی صدر زرداری سے اپیل: نئے صوبوں پر بحث تعمیری رکھنے کے لیے بیٹوں کو سمجھائیںسعودی اتحاد کا جیزان میں حوثیوں کے دو بیلسٹک میزائل تباہ کرنے کا دعویٰمیرعلی میں آپریشن، خواتین کے بھیس میں رکشے پر فرار کی کوشش کرنے والے دہشت گرد ہلاک: سیکیورٹی ذرائعڈیرہ مراد جمالی: جعفر ایکسپریس کو دھماکے سے اڑانے کی کوشش ناکام، ریلوے ٹریک کو جزوی نقصانبلاول بھٹو کا شکوہ: وزیراعظم معاشی منصوبہ لائیں تو ایک وزیر اپنا ایجنڈا سامنے رکھ دیتا ہےراولپنڈی ٹیسٹ: چوتھے روز 6 ہزار پولیس اہلکار سیکیورٹی اور ٹریفک ڈیوٹی پر تعیناتپاکستان اور ترکیہ کے توانائی تعاون میں نیا باب، سمندری علاقوں میں تیل و گیس کا سروےافغانستان میں دہشت گرد گروہوں سے رکن ممالک کو شدید خطرات: سلامتی کونسل کی سربراہویمنز ایمرجنگ نیشنز ٹرافی: آئرلینڈ کے ہاتھوں پاکستان ویمن ٹیم کو 9 وکٹوں سے شکستایران کے خلاف جنگ پر امریکی اخراجات 48 ارب ڈالر سے تجاوز، پینٹاگون سے حساب طلبمحمد عباس: سری لنکا کے خلاف ٹیسٹ سیریز میں کامیابی خوش آئند ہےنیٹ فلکس سیریز ‘جو بچے ہیں سنگ سمیٹ لو’ کا پہلا ٹریلر 24 نومبر کو ریلیز ہوگا
صفحہ اول› بلوچستان ›لورالائی

لورالائی: ڈپٹی کمشنر حسیب شجاع کی صدارت میں BRSP مال مویشی منصوبے کی تحقیقات کا جائزہ

لورالائی: ڈپٹی کمشنر حسیب شجاع کی صدارت میں BRSP مال مویشی منصوبے کی تحقیقات کا جائزہ

لورالائی: ڈپٹی کمشنر لورالائی کیپٹن (ر) محمد حسیب شجاع کی زیرِ صدارت بلوچستان دیہی معاونتی پروگرام (BRSP) کی انتظامیہ اور آڈٹ ٹیموں کا ایک اہم اجلاس منعقد ہوا۔

اجلاس میں یونین کونسل شاہ کاریز میں بلوچستان دیہی معاونتی پروگرام اور پاکستان تخفیفِ غربت فنڈ (PPAF) کے اشتراک سے جاری مال مویشیوں کی فراہمی کے منصوبے میں مبینہ مالی بے ضابطگیوں سے متعلق جاری تحقیقات کی پیش رفت کا تفصیلی جائزہ لیا گیا۔

منصوبے کے امور زیرِ بحث

اجلاس کے دوران منصوبے کے تحت مال مویشیوں کی خریداری اور تقسیم، مستحق افراد کے انتخاب کے طریقہ کار، مالی معاملات، متعلقہ دستاویزات اور ریکارڈ کی جانچ پڑتال سمیت منصوبے کے لیے مختص فنڈز کے استعمال سے متعلق مختلف امور زیرِ بحث آئے۔ آڈٹ ٹیموں نے تحقیقات کے سلسلے میں اب تک ہونے والی پیش رفت اور ریکارڈ کی جانچ پڑتال سے متعلق تفصیلات سے بھی آگاہ کیا۔

ڈپٹی کمشنر نے متعلقہ انتظامیہ اور آڈٹ ٹیموں کو ہدایت کی کہ تحقیقات کو مکمل شفافیت، غیر جانبداری اور حقائق و شواہد کی بنیاد پر آگے بڑھایا جائے تاکہ مبینہ مالی بے ضابطگیوں کی اصل صورتحال سامنے لائی جا سکے۔ انہوں نے تحقیقات کے عمل میں تیزی لانے اور تمام متعلقہ ریکارڈ کی باریک بینی سے جانچ پڑتال کے بعد مقررہ مدت کے اندر جامع تحقیقاتی رپورٹ پیش کرنے کی ہدایت بھی کی۔

فنڈز اور جوابدہی

ڈپٹی کمشنر نے واضح کیا کہ عوامی فلاح و بہبود اور غربت کے خاتمے کے لیے مختص سرکاری و ترقیاتی فنڈز کے استعمال میں شفافیت، میرٹ اور جوابدہی پر کوئی سمجھوتہ نہیں کیا جائے گا۔ انہوں نے کہا کہ مستحق افراد تک منصوبوں کے ثمرات پہنچانا اور ان کے حقوق کا تحفظ ضلعی انتظامیہ کی اہم ذمہ داری ہے۔

انہوں نے مزید کہا کہ تحقیقات کے نتیجے میں اگر کسی بھی قسم کی مالی بے ضابطگی یا بدعنوانی ثابت ہوئی تو اس میں ملوث ذمہ داران کے خلاف قانون اور متعلقہ قواعد و ضوابط کے مطابق کارروائی عمل میں لائی جائے گی۔ عوامی فنڈز کے تحفظ اور ترقیاتی منصوبوں میں شفافیت کو ہر صورت یقینی بنایا جائے گا۔

اشتہار