رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 8° صاف 20° / 8°فجر 05:39ظہر 12:18عصر 15:56مغرب 17:33عشا 18:56
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
نئے صوبوں پر ریفرنڈم کا فیصلہ بانی پی ٹی آئی کریں گے، شیخ وقاص اکرممٹی کا تیل، جیٹ فیول اور ایل ڈی او سستے، نئی قیمتوں کا اطلاق 21 نومبر سےمستونگ: آپریشن ردالفتنہ 3 میں مزید 15 دہشت گرد ہلاک، چار علاقے کلیئرٹرمپ کا ایران سے دیرپا معاہدے پر زور، ایف-16 پر ایرانی دعوے کی سینٹکام نے تردید کر دیشایان بشیر اور راشد بھٹی کا پی ٹی آئی اور اپوزیشن اتحاد سے علیحدگی کا اعلانآئی ٹی ایف ورلڈ ٹینس ماسٹرز: خرم امتیاز نے منگولیا کے حریف کو شکست دے دیحکومت کی پی ٹی آئی کو انتخابی اصلاحات کمیٹی میں شمولیت کی دعوت، برابر نمائندگی کا مطالبہ مستردنادیہ افغان لاہور چھوڑ کر کراچی منتقل ہو رہی ہیںپہلا ٹی 20: آسٹریلیا نے انگلینڈ کو 3 وکٹوں سے شکست دے دیایران کا آبنائے ہرمز میں ایک اور امریکی جاسوس ڈرون مار گرانے کا دعویٰجونیئر ٹینس چیمپئن شپ اسلام آباد میں اختتام پذیر، پاکستانی جوڑی ڈبلز کا ٹائٹل جیت گئیایران تنازع طول پکڑا تو امریکی جنگی صلاحیت متاثر ہو سکتی ہے: سینٹرل کمانڈ کا انتباہ

کریمیا پل پر حملے کے بعد پیوٹن کا جنگ بندی مذاکرات سے انکار

کریمیا پل پر حملے کے بعد پیوٹن کا جنگ بندی مذاکرات سے انکار
فائل فوٹو: فائل فوٹو: Generic photo of Russian President Vladimir Putin speaking at a podium — تصویر: بشکریہ en.kremlin.ru

شینزن: روسی صدر پیوٹن نے کہا ہے کہ یوکرین کی جانب سے کریمیا پل کو سنگین نقصان پہنچائے جانے کے بعد روس جنگ بندی کے لیے مذاکرات نہیں کرے گا۔

چین کے شہر شینزن میں نیوز کانفرنس سے خطاب کرتے ہوئے پیوٹن نے کہا کہ ماسکو کا ردعمل پل کو پہنچنے والے نقصان سے زیادہ تکلیف دہ ہوگا۔

انہوں نے کہا کہ ماسکو ان حملوں کا جواب دے گا اور یہ جواب یوکرین کی جانب سے پل کو پہنچائے گئے نقصان سے کہیں زیادہ سخت ہوگا۔

روسی صدر نے دعویٰ کیا کہ کریمیا پل مکمل طور پر شہری استعمال کے لیے ہے، اور انہوں نے ہدایت دے رکھی تھی کہ اسے فوجی سازوسامان یا گولہ بارود کی نقل و حمل کے لیے استعمال نہ کیا جائے۔ ان کے مطابق اس پل سے تیل یا پیٹرولیم مصنوعات بھی منتقل نہیں کی گئیں۔

پیوٹن نے بتایا کہ انہوں نے روس کی سلامتی کونسل کے ارکان سے سمندری اور توانائی کے بنیادی ڈھانچے پر حملے روکنے کے ممکنہ انتظامات پر بات کی تھی اور انہیں اس حوالے سے کسی معاہدے کے امکان پر غور کرنے کی ہدایت دی تھی۔ تاہم کریمیا پل پر حملوں کے بعد روس کا موقف تبدیل ہو گیا ہے۔

انہوں نے کہا کہ کریمیا پل دوبارہ تعمیر کیا جائے گا۔ ان کے مطابق پل کے سڑک والے حصے کو شدید نقصان پہنچا ہے، جبکہ ریلوے کا حصہ بحال ہو چکا ہے۔

روسی صدر کا کہنا تھا کہ ماسکو نے ہمیشہ کریمیا اور روس کے درمیان زمینی رابطہ قائم رکھنے کی ضرورت پر زور دیا ہے، کیونکہ یوکرین کی قیادت مسلسل کریمیا پل تباہ کرنے کی بات کرتی رہی ہے۔ ان کے مطابق زاپوریزیا اور خیرسون کے راستے یہ زمینی رابطہ ممکن بنایا گیا ہے۔

پیوٹن نے مزید کہا کہ حملے کے بعد روس یوکرین کے زاپوریزیا اور خیرسون علاقوں میں اپنی موجودگی مزید مضبوط کرے گا اور اس راستے کے تحفظ کے لیے اقدامات کیے جائیں گے۔

موضوعات:
اشتہار