کراچی میں اسٹائل رن وے فیشن شو سیزن 19 کا انعقاد

کراچی: اسٹائل رن وے فیشن شو پاکستان کے سیزن 19 (SRF19) کا انعقاد کراچی کے کلاک ٹاور میں کیا گیا، جس کا اہتمام ضیا ظفر نے کیا۔
شرکا اور ملبوسات
فیشن شو میں مختلف معروف ڈیزائنرز کے ملبوسات پیش کیے گئے، جبکہ نامور مرد و خواتین ماڈلز نے ریمپ پر جلوے دکھائے۔ ایونٹ میں بشریٰ شکیل، مصطفی شیخ، دی ووون کوڈ اور انعمتہ برائیڈل کے تیار کردہ ملبوسات پیش کیے گئے۔
خواتین ماڈلز میں سنیتا مارشل، زہرہ عامر، سباحت سرہندی، بینیتا ڈیوڈ، سدرہ ساجد، سارہ عمیر، ردا خان اور زینب فاطمہ شامل تھیں۔ مرد ماڈلز میں فوزان خان، شعیب حسن، علی رضا، حمزہ عرفات، کامران بخت، احمد عادی، وقاص علی اور شرجیل احمد نے حصہ لیا۔
فیشن شو کے بیک اسٹیج آفیشل جیولری ڈیزائنر کے فرائض جنید اقبال کی جانب سے امیج جیولرز نے انجام دیے، جبکہ بیک اسٹیج آفیشل میک اپ ٹیم کے طور پر سیمی بیوٹی سیلون نے خدمات فراہم کیں۔
آراء
اس موقع پر جنید اقبال نے کہا کہ ان کی ہمیشہ کوشش رہی ہے کہ جیولری کے نئے ڈیزائن متعارف کرائے جائیں۔ اس طرح کے فیشن شوز سے ملک کی فیشن انڈسٹری کو فروغ ملتا ہے۔ انہوں نے کہا کہ ان کی جیولری کلیکشن خواتین میں بہت مقبول ہے۔
سیمی بیوٹی سیلون کی اونر نے کہا کہ وقت کے ساتھ میک اپ کے شعبے میں جدت آ رہی ہے۔ ان کا ادارہ صارفین کے لیے معیاری مصنوعات متعارف کرا رہا ہے اور اس بات کا خاص خیال رکھا جاتا ہے کہ میک اپ مصنوعات جلد پر مضر اثرات مرتب نہ کریں۔
ڈیزائنر بشریٰ شکیل نے کہا کہ وہ ہمیشہ نئی ورائٹی متعارف کرانے پر توجہ دیتی ہیں اور موسم کی مناسبت سے ملبوسات تیار کرتی ہیں۔











