چاغی: سڑک کنارے بارودی سرنگ سے موٹرسائیکل ٹکرا گئی، 3 نوجوان جاں بحق

چاغی: بلوچستان کے ضلع چاغی میں موٹرسائیکل سڑک کنارے نصب بارودی سرنگ سے ٹکرا گئی، جس کے نتیجے میں 3 نوجوان جاں بحق ہو گئے۔
پولیس حکام کے مطابق تینوں نوجوان پکنک کے لیے موٹرسائیکل پر جا رہے تھے کہ راستے میں ان کی موٹرسائیکل سڑک کنارے بچھائی گئی بارودی سرنگ سے ٹکرا گئی۔
بارودی سرنگ سے ٹکرانے کے نتیجے میں تینوں نوجوان موقع پر جاں بحق ہو گئے۔ ان کی شناخت الطاف نوتیزئی، سہیل بنگلزئی اور عرفان بنگلزئی کے نام سے ہوئی ہے۔
پولیس حکام کے مطابق تینوں نوجوان آپس میں ماموں زاد اور خالہ زاد رشتہ دار بھی تھے۔
موضوعات:چاغی
اشتہار











