پی ایس ایل 12: راولپنڈیز نے ایڈم ووجز کو ہیڈ کوچ مقرر کر دیا

راولپنڈی: پاکستان سپر لیگ کی فرنچائز راولپنڈیز نے ایچ بی ایل پی ایس ایل 12 کے لیے آسٹریلیا کے سابق ٹیسٹ بلے باز ایڈم ووجز کو اپنا ہیڈ کوچ مقرر کرنے کا اعلان کیا ہے۔

ٹیم کے بیان کے مطابق ایڈم ووجز کا شاندار ٹریک ریکارڈ فرنچائز کے نئے ٹیلنٹ کو پروان چڑھانے کے عزم سے مکمل مطابقت رکھتا ہے۔

فرنچائز نے سوشل میڈیا پر جاری پیغام میں کہا کہ ایک چیمپئن کوچ پنڈی آ رہے ہیں، جو پی ایس ایل 12 میں ٹیم کی کوچنگ کی ذمے داریاں نبھائیں گے۔

ٹیم کی جانب سے بتایا گیا کہ بی بی ایل کے تین بار کے فاتح ایڈم ووجز دی پنڈیز کے ہیڈ کوچ کے طور پر ٹیم کے ساتھ شامل ہو رہے ہیں۔