محسن نقوی کی نوابشاہ میں صدر زرداری سے 59 منٹ ملاقات، نئے صوبوں کے ریفرنڈم پر اعتماد میں لیا

نوابشاہ: وفاقی وزیر داخلہ محسن نقوی نے صدر مملکت آصف علی زرداری سے ملاقات کی، جو تقریباً 59 منٹ جاری رہی۔ ایکسپریس نیوز کے مطابق وزیر داخلہ لاہور سے اچانک خصوصی طیارے کے ذریعے نوابشاہ پہنچے اور ایئرپورٹ سے زرداری ہاؤس گئے۔

ایکسپریس نیوز کے مطابق ملاقات میں محسن نقوی نے ایک اہم شخصیت کا پیغام صدر تک پہنچایا۔ اس دوران نئے صوبوں کے قیام سے متعلق ریفرنڈم کے معاملے پر صدر کو اعتماد میں لیا گیا۔

ذرائع کے مطابق وزیر داخلہ نے جے یو آئی کے خلاف کریک ڈاؤن کے حوالے سے بھی صدر زرداری سے گفتگو کی۔ ملاقات کے بعد وہ زرداری ہاؤس سے واپس ایئرپورٹ روانہ ہو گئے۔

زرداری ہاؤس کے ذرائع کے مطابق صدر آصف زرداری نے اپوزیشن جماعتوں سے مذاکرات پر زور دیا اور کہا کہ معاملات بات چیت سے حل کیے جائیں۔ ملاقات میں 16 دسمبر کو قومی اسمبلی کے اجلاس اور 28ویں آئینی ترمیم پر بھی تبادلہ خیال کیا گیا۔