جونیئر ٹینس چیمپئن شپ: پاکستانی کھلاڑی سنگلز اور ڈبلز کے سیمی فائنلز میں پہنچ گئے

اسلام آباد: پاکستانی کھلاڑیوں نے چیمپئن شپ میں اپنی عمدہ کارکردگی کا سلسلہ جاری رکھتے ہوئے سنگلز سیمی فائنلز میں دو جبکہ ڈبلز سیمی فائنلز میں بھی دو جگہیں حاصل کر لیں۔
سنگلز مقابلوں میں زوہیب افضل ملک نے ہم وطن عبدالباسط کو 64، 67(1)، 62 سے شکست دی، جبکہ احتشام ہمایوں نے ایک سنسنی خیز مقابلے کے بعد امیر مزاری کو 75، 67(4)، 75 سے ہرا کر سیمی فائنل میں جگہ بنائی۔
ڈبلز مقابلوں میں امیر مزاری اور عمر جواد ملک نے احتشام ہمایوں اور ایم حسن عثمانی کو 36، 63، (1311) سے شکست دی، جبکہ حمزہ رومان اور زوہیب افضل ملک نے عبدالباسط اور حاذق عاصم کو 75، 63 سے ہرا کر سیمی فائنل کے لیے کوالیفائی کر لیا۔
ٹورنامنٹ کی تفصیلات
جے30 سبحِ نو پاکستان ورلڈ جونیئر ٹینس چیمپئن شپ 2026 کا آغاز آج پی ٹی ایف ٹینس کمپلیکس، گارڈن ایونیو، اسلام آباد میں ہوا، جس میں 16 ممالک کے 55 کھلاڑی شرکت کر رہے ہیں۔ ان میں 33 بوائز اور 22 گرلز کھلاڑی شامل ہیں۔
شرکت کرنے والے ممالک میں روس، ہانگ کانگ، چین، تھائی لینڈ، قازقستان، بنگلہ دیش، سنگاپور، سری لنکا، سربیا، آسٹریلیا، اسپین، کینیڈا، سویڈن، جرمنی، جاپان اور پاکستان شامل ہیں۔
سبحِ نو کی چیئرپرسن اور ٹورنامنٹ ڈائریکٹر محترمہ شاہدہ کوثر فاروق نے آج پی ٹی ایف ٹینس کمپلیکس کا دورہ کیا، جہاں انہوں نے جاری چیمپئن شپ کے مقابلے دیکھے اور شریک کھلاڑیوں سے ملاقات کرکے ان کی حوصلہ افزائی کی۔
اس بین الاقوامی جونیئر ٹینس چیمپئن شپ کا انعقاد سبحِ نو، پارک ویو سٹی، دیوان سیمنٹ، بینک الفلاح اور او جی ڈی سی ایل کے تعاون سے کیا جا رہا ہے۔
کوارٹر فائنلز کے نتائج
بوائز سنگلز کوارٹر فائنلز میں فاسین سنچالونگ (تھائی لینڈ) نے حسن عثمانی (پاکستان) کو 60، 76(1) سے، ریحان گوناوردھنا (سری لنکا) نے جیکب لیٹسچ (جرمنی) کو 26، 63، 63 سے شکست دی۔
گرلز سنگلز کوارٹر فائنلز میں پولینا سوشکووا (قازقستان) نے واروارا روبتسووا (روس) کو 64، 16، 76(5) سے، پلوئیپیتچ ڈونگکھیاؤ (تھائی لینڈ) نے اریانا گریگورین (روس) کو 61، 61 سے، آئلِن باکیئیوا (قازقستان) نے انیاوی پیسارنپانوونگ (تھائی لینڈ) کو 62، 63 سے، جبکہ ادیما السیپولووا (قازقستان) نے یوچی لی (چین) کو 63، 36، 64 سے شکست دی۔
بوائز ڈبلز کوارٹر فائنلز میں جیکب لیٹسچ (جرمنی) اور جین ڈی سیرام (سری لنکا) نے ریحان گوناوردھنا اور آہل کلییل (سری لنکا) کو 36، 63، (108) سے، فاسین سنچالونگ اور تھیراپات سامرتوانیچا (تھائی لینڈ) نے محمد یحییٰ (پاکستان) اور برینن این جی (سنگاپور) کو 64، 64 سے شکست دی۔
گرلز ڈبلز کوارٹر فائنلز میں پلوئیپیتچ ڈونگکھیاؤ اور انیاوی پیسارنپانوونگ (تھائی لینڈ) نے یانا چوہدری (بنگلہ دیش) اور یجیا وانگ (چین) کو 61، 61 سے، واروارا روبتسووا (روس) اور شوان یی وائی (چین) نے خدیجہ خلیل (پاکستان) اور زینیا سیمینوا (قازقستان) کو 60، 62 سے، جبکہ آئلِن باکیئیوا اور ڈینیلیا بیسائیبائیوا (قازقستان) نے پولینا سوشکووا (قازقستان) اور گتھمی ریانا فرنینڈو (سری لنکا) کو 46، 76(5)، (1311) سے شکست دی۔











