عابد چارلی کے علاج کے لیے لاہور جنرل ہسپتال میں 6 رکنی میڈیکل بورڈ تشکیل

لاہور: معروف کامیڈین عابد چارلی کے علاج معالجے کے لیے لاہور جنرل ہسپتال میں 6 رکنی خصوصی میڈیکل بورڈ تشکیل دے دیا گیا ہے۔ حکومتِ پنجاب کے احکامات پر تشکیل دیے گئے اس بورڈ میں سینئر ڈاکٹرز شامل ہیں جو عابد چارلی کی طبی صورتحال کا مسلسل جائزہ لے رہے ہیں۔
پروفیسر ڈاکٹر خرم سلیم کو 6 رکنی میڈیکل بورڈ کا سربراہ مقرر کیا گیا ہے۔
پروفیسر فریاد حسین کے مطابق عابد چارلی میڈیکل یونٹ تھری کے ہائی ڈیپینڈنسی یونٹ (ایچ ڈی یو) میں زیرِ علاج ہیں اور ان کی نگہداشت کے لیے طبی عملہ دن رات مصروفِ عمل ہے۔
ایم ایس جنرل ہسپتال کا کہنا ہے کہ عابد چارلی کی جلد صحت یابی کے لیے تمام دستیاب طبی وسائل بروئے کار لائے جا رہے ہیں۔
اشتہار











