رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 6° صاف 17° / 5°فجر 05:36ظہر 12:17عصر 15:58مغرب 17:35عشا 18:58
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
کویت میں ایرانی حملہ: امریکی میجر کی کانگریس کمیٹیوں میں وسل بلوئر شکایتچوہدری سالک حسین کی مریم نواز اور عظمیٰ بخاری کو ہتکِ عزت کے قانونی نوٹسعمران خان کا تین چیف جسٹس صاحبان کو خط، جان کو خطرے اور عدالتی احکامات پر عمل نہ ہونے کا دعویٰامریکا اور اسرائیل دنیا میں دہشت گردی پھیلا رہے ہیں: ایرانوفاقی آئینی عدالت کے آرڈر سے مایوسی، بیرسٹر گوہر کا پشاور ہائیکورٹ کو فیصلہ کرنے کا مطالبہقشم کے قریب امریکی ڈرون قبضے میں لینے کا ایرانی دعویٰ، امریکی فوج کا ردعمل سامنے نہیں آیاعمران خان کے خط پر اپوزیشن رہنماؤں کا مشترکہ اعلامیہ، اعلیٰ عدلیہ سے فوری نوٹس کا مطالبہانٹر یونیورسٹیز اسپورٹس فیسٹیول: جامعہ تربت کے کھلاڑیوں کی فٹبال اور کرکٹ میں کامیابیآبی حقوق پر یکطرفہ بھارتی اقدام اعلانِ جنگ ہوگا، فن لینڈ کے وفد سے ملاقات میں یوسف رضا گیلانیشفقت امانت علی کے نئے موسیقی سفر کا اعلان، آج کراچی میں پریس کانفرنس ہوگیویمنز ایمرجنگ نیشنز ٹرافی: پاکستان نے زمبابوے کو شکست دے کر سپر سکس میں رسائی حاصل کر لیخلیجِ فارس میں بدامنی کا ذمہ دار امریکا و اسرائیل، عباس عراقچی کا ای سی او اجلاس سے خطاب

وزیراعظم شہباز شریف سے او آئی سی سیکرٹری جنرل کی ملاقات، مسلم امہ کے چیلنجز پر تبادلہ خیال

وزیراعظم شہباز شریف سے او آئی سی سیکرٹری جنرل کی ملاقات، مسلم امہ کے چیلنجز پر تبادلہ خیال
فائل فوٹو: وزیراعظم شہباز شریف — تصویر: بشکریہ tribune.com.pk

اسلام آباد: وزیراعظم محمد شہباز شریف سے اسلامی تعاون تنظیم (او آئی سی) کے سیکرٹری جنرل اسماعیل ولد الشیخ احمد نے ملاقات کی، جس میں مسلم امہ کو درپیش اہم مسائل، خطے میں امن و استحکام اور فلسطین و جموں و کشمیر کے عوام کی حمایت سمیت باہمی دلچسپی کے امور پر تبادلہ خیال کیا گیا۔

وزیراعظم نے او آئی سی کے سیکرٹری جنرل کا عہدہ سنبھالنے کے بعد ان کے پہلے دورہ اسلام آباد پر خیرمقدم کیا۔ انہوں نے کہا کہ او آئی سی کے رکن ممالک کی جانب سے اتفاق رائے سے اسماعیل ولد الشیخ احمد کا انتخاب ان کی قیادت پر رکن ممالک کے اعتماد کا مظہر ہے۔

ملاقات کے دوران او آئی سی کے سیکرٹری جنرل نے خطے میں امن و استحکام کے لیے پاکستان کی مسلسل اور قابلِ قدر کوششوں کو سراہا۔

دونوں رہنماؤں نے اتفاق کیا کہ مسلم امہ کی نمائندہ تنظیم کی حیثیت سے او آئی سی کو امت مسلمہ کو درپیش اہم مسائل کے حل کے لیے مشترکہ کوششوں کی قیادت کرنے کا منفرد موقع حاصل ہے۔ انہوں نے پیچیدہ چیلنجز کا سامنا کرنے والی مسلم امہ کے مشترکہ مفادات کے تحفظ کے لیے تنظیم کے کردار کو مزید مضبوط بنانے کے عزم کا اظہار کیا۔

ملاقات میں فلسطین اور جموں و کشمیر کے مظلوم عوام کی حمایت کا بھی اعادہ کیا گیا۔

وزیراعظم شہباز شریف نے کہا کہ پاکستان مسلم امہ کو درپیش مشترکہ چیلنجز سے نمٹنے کے لیے قائدانہ کردار ادا کرنے پر فخر محسوس کرتا ہے، اور پاکستان اس مقصد کے لیے او آئی سی کی کوششوں کی حمایت کے لیے ہمیشہ تیار ہے۔

اشتہار