احسن خان سے محبت کے بعد کسی اور سے محبت نہیں ہوئی: لیلیٰ

لاہور: پاکستانی اداکارہ لیلیٰ نے اداکار احسن خان کے ساتھ ماضی کی محبت اور شادی کے منصوبوں سے متعلق اہم انکشافات کیے ہیں۔
اداکارہ لیلیٰ نے کہا کہ مجھے احسن خان سے محبت تھی اور دونوں کے درمیان تعلق اس وقت ختم ہوگیا تھا جب ہماری عمریں صرف 17 سال تھیں۔
انہوں نے کہا کہ میں آج بھی احسن خان کا ذکر کرتی ہوں کیونکہ وہ ایک مثبت سوچ رکھنے والے انسان ہیں۔ جب میں زندگی کے مشکل ترین دور سے گزر رہی تھی اور سب کچھ کھو چکی تھی، اس وقت احسن خان نے مجھے فون کیا، جبکہ میرے اپنے دوستوں نے بھی مجھ سے رابطہ ختم کر دیا تھا۔
لیلیٰ نے کہا کہ زندگی میں پیش آنے والے سانحات کے باعث مجھے شادی کے لیے وقت نہیں مل سکا، میں ایسا شریک حیات چاہتی ہوں جو میرے حالات کو سمجھ سکے۔
موضوعات:پاکستانی شوبز
اشتہار











