کوہلو: ڈپٹی کمشنر عبد الحمید زہری کا ڈسٹرکٹ ہیڈکوارٹر ہسپتال کا دورہ، طبی سہولیات کا جائزہ

کوہلو: ڈپٹی کمشنر کوہلو عبد الحمید زہری نے ڈسٹرکٹ ہیڈکوارٹر ہسپتال کوہلو کا دورہ کیا۔
انہوں نے ہسپتال کے مختلف شعبوں کا معائنہ کرتے ہوئے مریضوں کو فراہم کی جانے والی طبی سہولیات اور صفائی ستھرائی کا جائزہ لیا۔
اس موقع پر انہوں نے ڈاکٹروں اور طبی عملے سے ملاقات کی اور ان کے درپیش مسائل و مشکلات سنے۔
میڈیکل سپرنٹنڈنٹ ڈاکٹر اصغر مری نے ڈپٹی کمشنر کو ہسپتال کی مجموعی کارکردگی، طبی سہولیات اور دستیاب وسائل سے متعلق تفصیلی بریفنگ دی۔
ڈپٹی کمشنر نے کہا کہ عوام کو معیاری طبی سہولیات کی فراہمی ضلعی انتظامیہ کی اولین ترجیحات میں شامل ہے، اس سلسلے میں کسی قسم کی غفلت برداشت نہیں کی جائے گی۔
انہوں نے ہسپتال انتظامیہ کو ہدایت کی کہ مریضوں کو بہتر علاج معالجے کی سہولیات ان کی دہلیز پر فراہم کرنے اور طبی عملے کے مسائل کے حل کے لیے تمام دستیاب وسائل بروئے کار لائے جائیں۔
ڈپٹی کمشنر عبد الحمید زہری نے ہسپتال میں موثر طبی سہولیات کی فراہمی پر ڈاکٹر اصغر مری کی کارکردگی کو سراہتے ہوئے اطمینان کا اظہار کیا اور مزید بہتری کے لیے مؤثر اقدامات اٹھانے پر زور دیا۔











