ہرنائی: پی پی ایچ آئی کا بنیادی صحت مراکز بیلی اور خیدرانی کا سرپرائز دورہ

ہرنائی: پی پی ایچ آئی ڈسٹرکٹ آفس ہرنائی کی جانب سے عوام کو صحت کی معیاری سہولیات کی فراہمی اور بنیادی مراکز صحت کی فعال سازی کو یقینی بنانے کے لیے اقدامات کا سلسلہ جاری ہے۔

اسی سلسلے میں ڈسٹرکٹ سپورٹ منیجر پی پی ایچ آئی ہرنائی نے بنیادی صحت مرکز (BHU) بیلی اور بنیادی صحت مرکز (BHU) خیدرانی کا تفصیلی دورہ کیا۔

معائنہ اور ہدایات

دورے کے دوران انہوں نے دونوں مراکز کا باریک بینی سے معائنہ کیا اور طبی عملے کی حاضری، او پی ڈی (OPD) کے رجسٹرز، ادویات کی فراہمی، صفائی ستھرائی کی صورتحال اور متعلقہ سرکاری ریکارڈ کی باقاعدہ جانچ پڑتال کی۔

انہوں نے تمام عملے کو سختی سے ہدایت کی کہ وہ وقت کی پابندی ہر صورت یقینی بنائیں اور مراکز پر آنے والے مریضوں کو بلا تاخیر تمام دستیاب طبی سہولیات فراہم کی جائیں۔

اس موقع پر گفتگو کرتے ہوئے انہوں نے کہا کہ دیہی علاقوں کے عوام کو ان کی دہلیز پر بنیادی صحت کی سہولیات کی فراہمی پی پی ایچ آئی کی اولین ترجیحات میں شامل ہے۔

انہوں نے واضح کیا کہ فرائض میں غفلت یا لاپرواہی کسی بھی صورت برداشت نہیں کی جائے گی اور مراکز صحت کی کارکردگی کو مزید بہتر بنانے کے لیے ایسے سرپرائز وزٹس کا سلسلہ مستقبل میں بھی بلا تعطل جاری رہے گا۔