رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 17° صاف 17° / 5°فجر 05:36ظہر 12:17عصر 15:58مغرب 17:35عشا 18:58
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
کویت میں ایرانی حملہ: امریکی میجر کی کانگریس کمیٹیوں میں وسل بلوئر شکایتچوہدری سالک حسین کی مریم نواز اور عظمیٰ بخاری کو ہتکِ عزت کے قانونی نوٹسعمران خان کا تین چیف جسٹس صاحبان کو خط، جان کو خطرے اور عدالتی احکامات پر عمل نہ ہونے کا دعویٰامریکا اور اسرائیل دنیا میں دہشت گردی پھیلا رہے ہیں: ایرانوفاقی آئینی عدالت کے آرڈر سے مایوسی، بیرسٹر گوہر کا پشاور ہائیکورٹ کو فیصلہ کرنے کا مطالبہقشم کے قریب امریکی ڈرون قبضے میں لینے کا ایرانی دعویٰ، امریکی فوج کا ردعمل سامنے نہیں آیاعمران خان کے خط پر اپوزیشن رہنماؤں کا مشترکہ اعلامیہ، اعلیٰ عدلیہ سے فوری نوٹس کا مطالبہانٹر یونیورسٹیز اسپورٹس فیسٹیول: جامعہ تربت کے کھلاڑیوں کی فٹبال اور کرکٹ میں کامیابیآبی حقوق پر یکطرفہ بھارتی اقدام اعلانِ جنگ ہوگا، فن لینڈ کے وفد سے ملاقات میں یوسف رضا گیلانیشفقت امانت علی کے نئے موسیقی سفر کا اعلان، آج کراچی میں پریس کانفرنس ہوگیویمنز ایمرجنگ نیشنز ٹرافی: پاکستان نے زمبابوے کو شکست دے کر سپر سکس میں رسائی حاصل کر لیخلیجِ فارس میں بدامنی کا ذمہ دار امریکا و اسرائیل، عباس عراقچی کا ای سی او اجلاس سے خطاب

بلدیاتی ادارے صوبائی حکومتوں کے رحم و کرم پر ہیں، کراچی کو اپنے حق کے لیے آواز اٹھانا ہوگی: حافظ نعیم

بلدیاتی ادارے صوبائی حکومتوں کے رحم و کرم پر ہیں، کراچی کو اپنے حق کے لیے آواز اٹھانا ہوگی: حافظ نعیم
فائل فوٹو: کراچی میں بلدیاتی حقوق کے لیے جماعت اسلامی کا مطالبہ — تصویر: بشکریہ geo.tv

کراچی: امیر جماعت اسلامی پاکستان حافظ نعیم الرحمان نے کہا ہے کہ تعلیم سمیت تمام نظام بلدیاتی حکومت کے تحت چلتے ہیں، مگر بلدیاتی ادارے صوبائی حکومتوں کے رحم و کرم پر ہیں۔ ان کے مطابق کراچی کو پوری طاقت کے ساتھ اپنے شہر کے لیے آواز اٹھانا پڑے گی۔ وہ ایک تقریب سے خطاب کر رہے تھے۔

حافظ نعیم الرحمان نے کہا کہ اسلام آباد میں پانچویں مرتبہ بلدیاتی انتخابات کی تاریخ کا اعلان ہوا ہے، جبکہ پنجاب میں بلدیاتی انتخابات ہوئے ہی نہیں۔ انہوں نے کہا کہ سسٹم کے خلاف باتیں کرنے والے بھی اسی سسٹم سے تعاون کر رہے ہیں اور وہ ان تمام معاملات کے ذمہ دار ہیں۔

انہوں نے کہا کہ 2005 سے اب تک کے فور منصوبہ نہیں بننے دیا گیا۔ اگر یہ بروقت مکمل ہو جاتا تو گھروں کے نلکوں میں پانی آتا۔ ان کا کہنا تھا کہ بلاول کے گھر میں بھی پانی ٹینکر کے ذریعے آتا ہے، پھر وہ 18 سال سے کیا کر رہے ہیں۔ انہوں نے کہا کہ آگمینٹیشن کے نام پر سڑکیں کھود دی جائیں گی، پانی کا نظام خراب ہے جبکہ ٹینکر کا نظام اچھا ہے۔ سیوریج کے ایس تھری منصوبے کو 12 سال میں مکمل نہیں کیا جا سکا، گرین لائن منصوبہ 2016 میں شروع ہوا مگر اب تک مکمل نہیں ہوا، ریڈ لائن نے مرکزی شاہراہ کا برا حال کر دیا ہے، اور سرکلر ریلوے کے آٹھ افتتاح ہو چکے ہیں لیکن منصوبہ تاحال فعال نہیں ہو سکا۔

امیر جماعت اسلامی نے کہا کہ بلاول نے گزشتہ دنوں سفیروں کو بلا کر ایک پریذنٹیشن دی، مگر سمجھ سے بالاتر ہے کہ انہیں کیا بتایا گیا۔ ان کے بقول چند اداروں کے سوا، جنہیں این جی اوز کے حوالے کیا گیا، کراچی کا برا حال ہے۔ انہوں نے بتایا کہ سندھ میں 41 ہزار سکولز ہیں جبکہ کراچی میں ساڑھے 3 ہزار سکولز ہیں۔ تمام سکولز صوبائی حکومت کے پاس ہیں، جبکہ نعمت اللہ خان کے دور میں یہ سکولز ان کے پاس تھے اور اس وقت ان میں بہترین کام ہوا تھا۔ اب چند سکولز ٹائونز کے پاس رہ گئے ہیں اور ڈسپنسریز کی تعداد بھی محدود ہے۔ انہوں نے کہا کہ متوسط طبقے کے لوگ پیٹ کاٹ کر اپنے بچوں کو اچھے تعلیمی اداروں میں پڑھانے کی کوشش کرتے ہیں۔

مالی وسائل کے حوالے سے حافظ نعیم الرحمان نے کہا کہ کراچی کو صوبے سے پیسے نہیں ملتے اور گزشتہ 15 سال میں اسے صوبائی حکومت سے 3 ہزار 360 ارب روپے ملنے چاہئیں تھے۔ ان کے مطابق صوبے میں آنے والے پیسوں کا 76 فیصد کراچی کو ملنا چاہیے تھا، مگر اب یہ شرح 76 سے کم ہو کر 18 فیصد رہ گئی ہے۔ انہوں نے مزید کہا کہ ٹائونز کو ملنے والے حصے کا 92 فیصد تنخواہوں میں چلا جاتا ہے اور کوئی وزیراعظم کراچی آنے کی زحمت نہیں کرتا۔ شیخ رشید نے سرکلر ریلوے کا افتتاح کیا تھا لیکن وہ آج تک نہیں چلی۔ انہوں نے کہا کہ اب ہمیں اندازہ ہو گیا ہے کہ مینڈیٹ چوری نہیں ہونے دینا۔

پٹرول کے معاملے پر انہوں نے کہا کہ دعا کریں مسئلہ تصادم کے بغیر حل ہو جائے، تاہم اگر حکومت نے ہٹ دھرمی دکھائی تو جماعت اسلامی سڑکوں پر ایگریمنٹ کرائے گی۔

اشتہار