ہانگ کانگ سکسز: پاکستان مین ایونٹ سے باہر، پلیٹ فائنل میں پہنچ گیا

ہانگ کانگ: ہانگ کانگ سکسز میں دفاعی چیمپئن پاکستان مین ایونٹ سے باہر ہو گیا، تاہم پلیٹ فائنل میں پہنچ گیا۔

مونگ کوک میں جاری ایونٹ میں آج کھیلے گئے گروپ سی کے آخری میچ میں یو اے ای نے بھارت کو 6 وکٹوں سے بدترین شکست دے کر گروپ میں ٹاپ کیا۔ یو اے ای نے گروپ مرحلے میں ناقابلِ شکست رہتے ہوئے ایونٹ کے مین سیمی فائنل تک رسائی حاصل کر لی۔

پاکستان ٹیم گروپ میں دوسری پوزیشن پر رہتے ہوئے پلیٹ سیمی فائنل میں پہنچی، جہاں اس نے ہانگ کانگ کو 6 وکٹوں سے شکست دے کر فائنل میں رسائی حاصل کر لی۔

پلیٹ فائنل میں پاکستان کا مقابلہ عمان سے ہوگا۔