28ویں آئینی ترمیم نئے سال سے پہلے آئے گی، معاون خصوصی حذیفہ رحمان

اسلام آباد: وزیراعظم کے معاون خصوصی حذیفہ رحمان نے کہا ہے کہ 28ویں آئینی ترمیم کے ڈرافٹ پر بہت کام ہو چکا ہے اور یہ نئے سال سے پہلے آئے گی۔

نجی ٹی وی سے گفتگو میں انہوں نے کہا کہ یہ ترمیم نوشتہ دیوار ہے، ہفتہ یا 10 دن اوپر نیچے ہو سکتے ہیں لیکن یہ آئے گی۔

نئے صوبوں کی بحث

انہوں نے کہا کہ بلاول بھٹو زرداری کہتے ہیں کہ نئے صوبوں کی بحث پر فل اسٹاپ لگا دیا جائے، حالانکہ یہ بحث ابھی شروع ہی نہیں ہوئی۔ ان کے پاس کون سا پیمانہ ہے جس سے انہوں نے جانچ لیا کہ عوام صوبوں کے خلاف ہیں؟

عوامی رائے جانچنے کا طریقہ پارلیمنٹ ہے اور ریفرنڈم ہے۔ پارلیمنٹ عوامی رائے جانچنا نہ چاہے تو دوسرا طریقہ ریفرنڈم ہے۔

حذیفہ رحمان نے واضح کیا کہ اگر 28ویں آئینی ترمیم میں صوبے نہ بنے تو پھر کبھی نہیں بنیں گے۔