وزیراعظم کی بھارت کے خلاف ہانگ کانگ سکسز کی کامیابی پر قومی کرکٹ ٹیم کو مبارک باد

اسلام آباد: وزیراعظم محمد شہباز شریف نے ہانگ کانگ سکسز میں بھارت کے خلاف شاندار کامیابی پر قومی کرکٹ ٹیم کو مبارک باد دی ہے۔

اپنے پیغام میں وزیراعظم نے کہا کہ بھارت کے خلاف چار وکٹوں سے کامیابی پاکستانی کھلاڑیوں کی شاندار کارکردگی کا مظہر ہے، دونوں ٹیموں کے درمیان اچھا مقابلہ دیکھنے کو ملا۔

وزیراعظم نے چیئرمین پاکستان کرکٹ بورڈ محسن نقوی اور ان کی ٹیم کی کاوشوں کو بھی سراہا اور کہا کہ کھلاڑیوں کی تیاری اور معاونت کے لیے پی سی بی کی ٹیم نے بھرپور محنت کی، جس پر وہ مبارک باد اور تحسین کے مستحق ہیں۔