رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 17° صاف 18° / 8°فجر 05:39ظہر 12:18عصر 15:57مغرب 17:33عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
رانا ثنا اللہ کی صدر زرداری سے اپیل: نئے صوبوں پر بحث تعمیری رکھنے کے لیے بیٹوں کو سمجھائیںسعودی اتحاد کا جیزان میں حوثیوں کے دو بیلسٹک میزائل تباہ کرنے کا دعویٰمیرعلی میں آپریشن، خواتین کے بھیس میں رکشے پر فرار کی کوشش کرنے والے دہشت گرد ہلاک: سیکیورٹی ذرائعڈیرہ مراد جمالی: جعفر ایکسپریس کو دھماکے سے اڑانے کی کوشش ناکام، ریلوے ٹریک کو جزوی نقصانبلاول بھٹو کا شکوہ: وزیراعظم معاشی منصوبہ لائیں تو ایک وزیر اپنا ایجنڈا سامنے رکھ دیتا ہےراولپنڈی ٹیسٹ: چوتھے روز 6 ہزار پولیس اہلکار سیکیورٹی اور ٹریفک ڈیوٹی پر تعیناتپاکستان اور ترکیہ کے توانائی تعاون میں نیا باب، سمندری علاقوں میں تیل و گیس کا سروےافغانستان میں دہشت گرد گروہوں سے رکن ممالک کو شدید خطرات: سلامتی کونسل کی سربراہویمنز ایمرجنگ نیشنز ٹرافی: آئرلینڈ کے ہاتھوں پاکستان ویمن ٹیم کو 9 وکٹوں سے شکستایران کے خلاف جنگ پر امریکی اخراجات 48 ارب ڈالر سے تجاوز، پینٹاگون سے حساب طلبمحمد عباس: سری لنکا کے خلاف ٹیسٹ سیریز میں کامیابی خوش آئند ہےنیٹ فلکس سیریز ‘جو بچے ہیں سنگ سمیٹ لو’ کا پہلا ٹریلر 24 نومبر کو ریلیز ہوگا

فلمی سیٹس پر انسانی جان سے زیادہ شوٹنگ کو ترجیح، اپاسنا سنگھ کا انکشاف

فلمی سیٹس پر انسانی جان سے زیادہ شوٹنگ کو ترجیح، اپاسنا سنگھ کا انکشاف
فائل فوٹو: فلمی سیٹس پر انسانی جان سے زیادہ شوٹنگ کو ترجیح، اپاسنا سنگھ کا انکشاف — تصویر: بشکریہ cinetown.org

ممبئی: بھارتی اداکارہ اپاسنا سنگھ نے فلمی صنعت میں انسانی جانوں کی قدر و اہمیت سے متعلق تشویشناک انکشافات کیے ہیں۔ ان کا دعویٰ ہے کہ بعض فلمی سیٹس پر عملے کے کسی فرد کی موت کے باوجود شوٹنگ نہیں روکی جاتی اور بعض اوقات لاش ایک طرف رکھ کر کام جاری رکھا جاتا ہے۔

اداکارہ نے فلمی صنعت میں ٹی آر پی، بھاری سرمایہ کاری اور روزانہ کے اخراجات کو انسانی زندگی پر ترجیح دینے کے رویے پر افسوس کا اظہار کیا۔

لائٹ مین کو درپیش خطرات

ایک حالیہ انٹرویو میں اپاسنا سنگھ نے بتایا کہ فلمی سیٹس پر لائٹ مین شدید گرمی میں بلندی پر روشنیوں کا انتظام کرتے ہیں، جہاں حادثات میں بعض افراد اپنی جان گنوا دیتے ہیں، لیکن اس کے باوجود شوٹنگ جاری رکھی جاتی ہے۔

ان کے مطابق فلمی منصوبوں پر بھاری سرمایہ کاری ہوتی ہے اور پروڈیوسرز کے روزانہ اخراجات بہت زیادہ ہوتے ہیں، جس کے باعث بعض اوقات انسانی جان سے زیادہ شوٹنگ مکمل کرنے کو اہمیت دی جاتی ہے۔

اداکارہ نے ایک مزاحیہ پروگرام کا واقعہ بیان کرتے ہوئے بتایا کہ پرفارمنس کے دوران ایک امیدوار اچانک بے ہوش ہو کر گر پڑا۔ اسے وین میں منتقل کیا گیا تو فوری طبی امداد یا ڈاکٹر بلانے کے بجائے پروڈیوسر نے کیمرہ منگوا کر اس کی حالت ریکارڈ کرنے کی ہدایت کی۔

اپاسنا سنگھ کے مطابق انتظامیہ کو اس بات کی زیادہ فکر نہیں تھی کہ امیدوار کو کھانے، پانی یا طبی امداد کی ضرورت ہے، بلکہ توجہ اس کی حالت کی ویڈیو بنانے پر مرکوز تھی۔

انہوں نے کہا کہ ٹی آر پی کی دوڑ اس قدر بڑھ گئی ہے کہ سیٹ پر کسی کے ساتھ حادثہ پیش آنے کی صورت میں ذمہ داری لینے کے لیے کوئی تیار نہیں ہوتا۔

اداکارہ نے واضح کیا کہ انہوں نے ان واقعات کے حوالے سے کسی مخصوص فلم یا پروڈکشن ہاؤس کا نام نہیں لیا، تاہم انہوں نے خود لائٹ مین کو بلندی سے گرنے اور جان سے ہاتھ دھونے کے واقعات دیکھے ہیں۔

اشتہار