نصیرآباد: کمشنر صلاح الدین نورزئی کا سرکٹ ہاؤس کی بحالی اور جدید سہولیات کے اقدامات

نصیرآباد: نصیرآباد ڈویژن کا سرکٹ ہاؤس 2017 میں تعمیر ہوا، تاہم طویل عرصے سے تعمیر و مرمت کے کام میں تعطل کا شکار رہا۔ 2022 کی تباہ کن بارشوں کے باعث سرکٹ ہاؤس نان فنکشنل ہو کر رہ گیا تھا۔ تعمیر و مرمت کا کام بند ہونے سے عمارت کے اطراف جھاڑیوں نے ڈیرے ڈال لیے، سیوریج سسٹم ناکارہ ہو گیا، جبکہ سڑکیں بھی ٹوٹ پھوٹ کا شکار ہو گئیں۔

تاہم جولائی 2025 میں تعینات ہونے والے کمشنر نصیرآباد ڈویژن صلاح الدین نورزئی نے سرکٹ ہاؤس کی بحالی کو اولین ترجیح دیتے ہوئے اسے جدید سہولیات سے آراستہ کرنے کے لیے عملی اقدامات کا آغاز کر دیا ہے۔

سرکٹ ہاؤس میں ٹف ٹائلز کی تنصیب، سوئٹ رومز اور دیگر کمروں کی تعمیر و مرمت، تزئین و آرائش اور ایئر کنڈیشننگ سسٹم کی بحالی کے اقدامات کیے گئے۔ اس کے علاوہ ڈائننگ ایریا، کانفرنس ہال اور لان کی بہتری کے لیے بھی کام کیا گیا، تاکہ سرکٹ ہاؤس کو بہتر سہولیات کے ساتھ فعال رکھا جا سکے۔

سرکٹ ہاؤس نصیرآباد کی بحالی کے لیے جاری یہ اقدامات سرکاری عمارتوں کی بہتری اور دستیاب وسائل کے مؤثر استعمال کی جانب ایک اہم پیش رفت ہیں۔