رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 7° صاف 20° / 7°فجر 05:36ظہر 12:17عصر 15:58مغرب 17:34عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
امریکی سپریم کورٹ کا کیلیفورنیا کے امپلیسٹ بائس کورسز کے خلاف درخواست سننے سے انکارایران کی ‘ڈرٹی بم’ رپورٹس کی تردید، ٹرمپ کا رپورٹ کو ‘انتہائی سنجیدگی’ سے لینے کا اعلانرانا ثنا اللہ کا دعویٰ: بلاول کا 27ویں ترمیم پر بیان نااہلی کی بنیاد بن سکتا ہےپیٹرول تین روپے سستا، 18 نومبر سے نئی قیمت 325 روپے فی لٹرکچھی: ریلوے ٹریک دھماکہ خیز مواد سے اڑا دیا گیا، کوئی جانی نقصان نہیںترکمانستان سے گوادر تک گیس پائپ لائن منصوبے پر کام کا آغازمس یونیورس 2026 کے لیے 3 ہزار 150 ہیروں سے سجا تاج تیارریڈیو پاکستان حملہ کیس: تیمور جھگڑا، کامران بنگش اور عرفان سلیم پشاور ہائیکورٹ کے باہر گرفتارترک فضائیہ کے کمانڈر کی فیلڈ مارشل عاصم منیر سے ملاقات، دفاعی تعلقات مستحکم کرنے کا عزمٹرمپ چین کے اہم دورے سے قبل منیلا پہنچ گئے، فلپائن میں مسلسل پانچویں روز احتجاجایمن خان اور منیب بٹ کو برطانوی پارلیمنٹ میں خصوصی اعزازاتعراقچی کی عمانی ہم منصب بدر البوسعیدی سے ملاقات، آبنائے ہرمز کی ناکہ بندی کے خاتمے پر غور

کوئٹہ: پشتون اضلاع کی نظراندازی پر پشتونخوا ملی عوامی پارٹی کا احتجاج کا اعلان

کوئٹہ: پشتون اضلاع کی نظراندازی پر پشتونخوا ملی عوامی پارٹی کا احتجاج کا اعلان
فائل فوٹو: محمود خان اچکزئی (فائل فوٹو) — تصویر: بشکریہ tribune.com.pk

کوئٹہ: پشتونخوا ملی عوامی پارٹی کے صوبائی جنرل سیکرٹری کبیر افغان اور صوبائی ڈپٹی سیکرٹریز سید فیض اللہ آغا نے کہا ہے کہ کیسکو سمیت وفاقی ملازمتوں میں پشتون اضلاع کو مکمل طور پر نظرانداز کرنا برداشت نہیں کیا جائے گا۔

اس سلسلے میں پارٹی نہ صرف آئینی و قانونی چارہ جوئی کا حق محفوظ رکھتی ہے بلکہ سیاسی و جمہوری طور پر جنوبی پشتونخوا کے ہر ضلع میں احتجاج بھی کرے گی۔

کیسکو اور دیگر وفاقی محکموں و اداروں کے صوبے کے کوٹہ میں پشتون اضلاع کے نوجوانوں کو ان کا حق دیا جائے، حق تلفی کی صورت میں پارٹی خاموش نہیں بیٹھے گی۔

سوئی سدرن گیس کمپنی اور کیسکو فوری طور پر اپنی نااہلی اور ناقص کارکردگی کا نوٹس لیں، عوامی مسائل حل کریں اور شہریوں کو گیس و بجلی کی بلاتعطل فراہمی یقینی بنائیں۔

پشتونخوا ملی عوامی پارٹی عوامی مسائل کے حل کے لیے بھرپور آواز بلند کرتی رہے گی۔ مسلط صوبائی حکومت اور نااہل نمائندوں کو عوامی مسائل حل کرنے میں کوئی سنجیدگی نہیں۔

عوام اپنی صفوں کو منظم رکھیں، پارٹی سیاسی و جمہوری احتجاج کا راستہ اختیار کرے گی۔

جلسے کی تیاریاں

2 دسمبر کو خان شہید عبدالصمد خان اچکزئی کی شہادت کی 53ویں برسی کے موقع پر عوام جلسہ عام میں بھرپور انداز میں شرکت کریں۔

ان خیالات کا اظہار انہوں نے تحصیل سٹی کے مختلف علاقائی یونٹس کے اجلاسوں سے خطاب کرتے ہوئے کیا۔ ان اجلاسوں میں ضلع کوئٹہ کے آفس سیکرٹری نصیب اللہ نیازی، ضلع معاونین صاحب خان بڑیچ، ڈاکٹر حبیب اللہ، عمر قریش، جبار ہمدرد، غلام اولسیار، فضل ترین، سلیمان ترین، ضلع ایگزیکٹیوز و ضلع کمیٹی کے دیگر اراکین، تحصیل سیکرٹری منان نصرت، سینئر معاون سیکرٹری شکور افغان اور دیگر تحصیل و علاقائی رہنماؤں زمان ہمزولے، الفت خان، حمد اللہ، مجید خان و دیگر نے آریانہ افغان، ورور پشتون، شالدرہ، بند پشتون درہ اور لاندی پشتون آباد کے علاقائی یونٹس کے اجلاسوں سے خطاب کیا۔

تمام اجلاسوں میں خان شہید عبدالصمد خان اچکزئی کی 53ویں برسی کے سلسلے میں 2 دسمبر کو منعقد ہونے والے جلسے کی تیاریوں کو مرکزی اہمیت دی گئی اور پارٹی کارکنوں کی شرکت اور تیاریوں کے حوالے سے مشاورت کی گئی۔

اشتہار