رَّبِّ ارْحَمْهُمَا كَمَا رَبَّيَانِي صَغِيرًا اے میرے رب! ان دونوں پر رحم فرما جیسے انہوں نے بچپن میں مجھے پالا بنی اسرائیل ۲۴
کوئٹہ 7° صاف 20° / 7°فجر 05:36ظہر 12:17عصر 15:58مغرب 17:34عشا 18:57
بلوچستان کی آواز، اکتوبر 1970 سےکوئٹہ سے شائع ہونے والا روزنامہ · ایڈیٹر انچیف: جاوید احمد · ایڈیٹر: کامران جاوید
امریکی سپریم کورٹ کا کیلیفورنیا کے امپلیسٹ بائس کورسز کے خلاف درخواست سننے سے انکارایران کی ‘ڈرٹی بم’ رپورٹس کی تردید، ٹرمپ کا رپورٹ کو ‘انتہائی سنجیدگی’ سے لینے کا اعلانرانا ثنا اللہ کا دعویٰ: بلاول کا 27ویں ترمیم پر بیان نااہلی کی بنیاد بن سکتا ہےپیٹرول تین روپے سستا، 18 نومبر سے نئی قیمت 325 روپے فی لٹرکچھی: ریلوے ٹریک دھماکہ خیز مواد سے اڑا دیا گیا، کوئی جانی نقصان نہیںترکمانستان سے گوادر تک گیس پائپ لائن منصوبے پر کام کا آغازمس یونیورس 2026 کے لیے 3 ہزار 150 ہیروں سے سجا تاج تیارریڈیو پاکستان حملہ کیس: تیمور جھگڑا، کامران بنگش اور عرفان سلیم پشاور ہائیکورٹ کے باہر گرفتارترک فضائیہ کے کمانڈر کی فیلڈ مارشل عاصم منیر سے ملاقات، دفاعی تعلقات مستحکم کرنے کا عزمٹرمپ چین کے اہم دورے سے قبل منیلا پہنچ گئے، فلپائن میں مسلسل پانچویں روز احتجاجایمن خان اور منیب بٹ کو برطانوی پارلیمنٹ میں خصوصی اعزازاتعراقچی کی عمانی ہم منصب بدر البوسعیدی سے ملاقات، آبنائے ہرمز کی ناکہ بندی کے خاتمے پر غور
صفحہ اول› بلوچستان ›لورالائی

بلوچستان: نوشکی، لورالائی اور مستونگ میں سیکیورٹی فورسز کے آپریشن میں 10 دہشت گرد ہلاک

بلوچستان: نوشکی، لورالائی اور مستونگ میں سیکیورٹی فورسز کے آپریشن میں 10 دہشت گرد ہلاک
فائل فوٹو: بلوچستان میں سیکیورٹی فورسز کا آپریشن — تصویر: بشکریہ balochistanpulse.com

کوئٹہ: سیکیورٹی فورسز کے عملے نے آپریشن ردالفتنہ تھری کے دوران بلوچستان کے مختلف علاقوں نوشکی، لورالائی، مستونگ، ڈیگاری اور ملحقہ علاقوں میں سرچ آپریشن کیا، جس میں 10 دہشت گرد ہلاک ہوئے۔ اسی دوران 9 دہشت گردوں کے چھپنے اور اسلحہ ذخیرہ کرنے کی سرنگیں بھی ناکارہ بنا دی گئیں۔

سیکیورٹی ذرائع کے مطابق گزشتہ دنوں نوشکی کے علاقے مل ایریا میں دہشت گردوں کی جانب سے سیکیورٹی فورسز کی چوکی پر حملے کی کوشش ناکام بناتے ہوئے کارروائی کی گئی، جس میں 2 دہشت گرد ہلاک ہوئے۔

لورالائی میں پونگا پل کے قریب دہشت گردوں کی نقل و حرکت کی اطلاع پر کارروائی کرتے ہوئے 2 دہشت گرد ہلاک کیے گئے۔ ایک اور کارروائی میں ڈیگاری اور کوہ مردار کے علاقے میں 3 دہشت گرد ہلاک ہوئے۔

مستونگ کے علاقے وادی کرم میں مقصود آباد، گل جان بغداد اور صادق باغ کے علاقوں میں مکمل کنٹرول قائم کرنے کے لیے جاری آپریشن کے دوران 9 سرنگیں دریافت ہوئیں، جنہیں دہشت گرد چھپنے اور اسلحہ و گولہ بارود ذخیرہ کرنے کے لیے استعمال کرتے تھے۔ ان سرنگوں کی تلاشی اور کلیئرنس کے دوران 11 دیسی ساختہ بم (آئی ای ڈیز) برآمد کر کے قبضے میں لے لیے گئے۔

ان کارروائیوں کو مقامی لوگوں نے بھی سراہا اور سرنگوں کی نشاندہی میں سیکیورٹی فورسز کی مدد کی۔ مزید دہشت گردوں کے خلاف کارروائی جاری ہے۔

اشتہار